മ​നു​ഷ്യ​ക്ക​ട​ത്തിൽ ഇ​ര​യായവർക്ക് സംരക്ഷണം നൽകാൻ ഓഫീസ് ആരംഭിച്ചതായി ബ​ഹ്‌​റൈ​ൻ

മനാമ: മ​നു​ഷ്യ​ക്ക​ട​ത്തിൽ ഇ​ര​യായവരെ സ​ഹാ​യി​ക്കു​ന്നതിനായി പ്ര​ത്യേ​ക ഓഫീസ് സ്ഥാ​പി​ച്ചതായി ബ​ഹ്‌​റൈ​ൻ. ക്രി​മി​ന​ൽ ഇ​ൻ​വെ​സ്റ്റി​ഗേ​ഷ​ൻ ആ​ൻ​ഡ് ഫോ​റ​ൻ​സി​ക് സ​യ​ൻ​സ് ജ​ന​റ​ൽ ഡ​യ​റ​ക്ട​റേ​റ്റി​ന് കീ​ഴി​ലാകും ഓഫീസിന്റെ പ്രവർത്തനം നടക്കുക. മ​നു​ഷ്യ​ക്ക​ട​ത്ത് ത​ട​യു​ന്ന​തി​നായി സർക്കാർ നിരവധി പ്രവർത്തനങ്ങളാണ് നടത്തി വരുന്നത്. അതിന്റെ ഭാഗമായി ആണ് പുതിയ ഓഫീസ് ആരംഭിച്ചതെന്നും അധികൃതർ വ്യക്തമാക്കി.

അന്താരാഷ്ട്ര മാ​ന​ദ​ണ്ഡ​ങ്ങ​ൾ​ക്ക​നു​സ​രി​ച്ച് ആകും ഓഫീസ് പ്ര​വ​ർ​ത്തി​ക്കു​ക. മ​നു​ഷ്യ​ക്ക​ട​ത്തിൽ ഇ​ര​യായവർക്കും കു​ട്ടി​ക​ൾ​ക്കും പ്ര​ത്യേ​ക സൗകര്യങ്ങൾ ഒരുക്കും. ഇരകളുമായി ബന്ധപ്പെട്ട അന്വേഷണം ആരംഭിക്കുന്നത് മുതൽ നിയമ നടപടികൾ അവസാനിക്കുന്നത് വ​രെ ജു​ഡീ​ഷ്യ​ൽ അ​ധി​കാ​രി​കാരികളെ സഹായിക്കാനായി ആണ് ഓഫീസ് പ്രവർത്തിക്കുന്നത്.

പൊതുജനങ്ങൾ മ​നു​ഷ്യ​ക്ക​ട​ത്തു​മാ​യി ബ​ന്ധ​പ്പെ​ട്ട പ്ര​വ​ർ​ത്ത​ന​ങ്ങ​ൾ ശ്ര​ദ്ധ​യി​ൽ​പെ​ട്ടാ​ൽ 555, 999 എന്നി നമ്പറുകളിൽ വിവരമറിയിക്കണം. അല്ലെങ്കിൽ 555@interior.gov.bh എ​ന്ന ഇ-​മെ​യി​ൽ വി​ലാ​സ​ത്തിലും വിവരം അ​റി​യി​ക്കാ​മെ​ന്ന് അധികൃതർ അഭ്യർത്ഥിച്ചു.

തൊ​ഴി​ലാ​ളി​ക​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​ന്​ അ​ന്താ​രാ​ഷ്​​ട്ര മാ​ന​ദ​ണ്ഡ​ങ്ങ​ൾ പാ​ലി​ച്ചാ​ണ് ബ​ഹ്​​റൈ​ൻ മു​ന്നോ​ട്ടു പോകുന്നത്. മ​നു​ഷ്യ​ക്ക​ട​ത്ത്​ ഇല്ലാതാക്കാൻ ​ നി​യ​മ​പ​ര​മാ​യ നീ​ക്ക​ങ്ങ​ളോ​ടൊ​പ്പം ശ​ക്ത​മാ​യ ബോ​ധ​വ​ത്ക​ര​ണ​ങ്ങ​ളും ന​ട​ത്തു​ന്നു​ണ്ട് എന്നും അധികൃതർ വ്യക്തമാക്കി.