കുട്ടികളുടെ ജനനം കൃത്യ സമയത്ത് രജിസ്റ്റർ ചെയ്യണം; ഇല്ലെങ്കിൽ സാമ്പത്തികച്ചെലവ് കൂടും; ഓർമ്മപ്പെടുത്തി ബഹ്‌റൈൻ

മനാമ: കുട്ടികളുടെ ജനനം സ​മ​യ​ബ​ന്ധി​ത​മാ​യി ര​ജി​സ്റ്റ​ർ ചെ​യ്യണമെന്ന് പ്രവാസികളെ ഓർമ്മപ്പെടുത്തി ബഹ്‌റൈൻ. ഇക്കാര്യത്തിൽ വീഴ്ച വരുത്തുന്നത് കാരണം കുഞ്ഞുമായി ബന്ധപ്പെട്ട സർക്കാർ നടപടികൾക്ക് കാലതാമസം നേരിടും. ഇത് ഒഴിവാക്കാൻ മാതാപിതാക്കൾ പ്രത്യേകം ശ്രദ്ധിക്കണമെന്ന് അധികൃതർ വ്യക്തമാക്കി.

കു​ട്ടി​ക​ളു​ടെ ജ​ന​നം നി​യ​മ​പ​ര​മാ​യി ര​ജി​സ്റ്റ​ർ ചെ​യ്യാ​ൻ ബ​ഹ്‌​റൈ​നി​ൽ 15 ദി​വ​സ​മാ​ണ് അനുവദിച്ചിരിക്കുന്നത്. ഈ സമയത്തിനുള്ളിൽ ര​ജി​സ്റ്റ​ർ ചെയ്തില്ലെങ്കിൽ മാ​താ​പി​താ​ക്ക​ൾ കോ​ട​തി​യെ സമീപിച്ചു അനുമതി വാങ്ങേണ്ടി വരും. പ്രസവവുമായി ബന്ധപ്പെട്ട ​ഫീ​സ് ന​ൽ​കി‍യാൽ ആ​ശു​പ​ത്രി​യി​ൽ​ നി​ന്ന് പ്രാ​ഥ​മി​ക രേ​ഖ ലഭിക്കും. അതുമായി ബന്ധപ്പെട്ട അധികൃതരെ സമീപിക്കുക.

ഒ​രു ​ദി​വ​സം മു​ത​ൽ ഏ​ഴു​ദി​വ​സം വ​രെ പ്രായമുള്ള കുഞ്ഞുങ്ങളുടെ ജ​ന​ന സ​ർ​ട്ടി​ഫി​ക്ക​റ്റ് ഫീ​സ് 0.500 ബ​ഹ്റൈ​ൻ ദീ​നാ​റും ഒ​രാ​ഴ്ച​യി​ൽ കൂ​ടു​ത​ൽ പ്രാ​യ​മു​ള്ള​വ​ർ കുഞ്ഞുങ്ങൾക്ക് 0.900 ബ​ഹ്റൈ​ൻ ദീ​നാ​റു​മാ​ണ്. ജനന സർട്ടിഫിക്കറ്റ് കൃത്യ സമയത്ത് എടുത്തില്ലെങ്കിൽ കോടതി നടപടികളുമായി മുന്നോട്ട് പോകേണ്ടി വരും. ഇതിന് വലിയ ഒരു തുക നൽകേണ്ടി വരും. ഇതൊഴിവാക്കാൻ കൃത്യ സമയത്ത് ര​ജി​സ്റ്റ​ർ ചെയ്യാനുള്ള നപടികൾ സ്വീകരിക്കണമെന്നും അധികൃതർ അഭ്യർത്ഥിച്ചു.

പാ​സ്‌​പോ​ർ​ട്ട്,ഇൻഷുറൻസ്,വി​ദ്യാ​ഭ്യാ​സം, എ​ന്നി​വയ്ക്ക് അപേക്ഷ നൽകുമ്പോൾ ജ​ന​ന​സ​ർ​ട്ടി​ഫി​ക്ക​റ്റ് നി​ർ​ബ​ന്ധ​മാ​യും സമർപ്പിക്കണം. ജ​ന​ന സ​ർ​ട്ടി​ഫി​ക്ക​റ്റ് എ​ടു​ക്കു​ന്ന​തി​ൽ വീഴ്ച വരുത്തിയാൽ സ്കൂളുകളിൽ അഡ്മിഷൻ ലഭിക്കുന്നതിന് പോലും തടസമാകും. മതിയായ രേഖകൾ ഇല്ലാതെ രാ​ജ്യ​ത്ത് കു​ട്ടി​ക​ളെ വ​ള​ർ​ത്തു​ന്ന​തും നി​യ​മ​വി​രു​ദ്ധ​മാ​ണ് എന്നും അധികൃതർ ഓർമ്മിപ്പിച്ചു. നിയമപരമായ ഇത്തരം പ്ര​തി​സ​ന്ധി​യി​ല​ക​പ്പെ​ട്ട​വ​ർ​ക്ക് പ്ര​വാ​സി ലീ​ഗ​ൽ സെ​ല്ലി​നെ ബ​ന്ധ​പ്പെ​ടാം. ഇ-​മെ​യി​ൽ വിലാസം pravasilegalcelbahrain@gmail.com.