തൊ​ഴി​ലാ​ളി​ക​ൾ​ക്ക് ശ​മ്പ​ളം നൽകിയില്ല; കമ്പനികൾക്കെതിരെ കടുത്ത നടപടിയുമായി കുവൈത്ത്

കു​വൈ​ത്ത് സി​റ്റി: തൊ​ഴി​ലാ​ളി​ക​ൾ​ക്ക് ശ​മ്പ​ളം നൽകാത്ത കമ്പനികൾക്കെതിരെ കടുത്ത നടപടികളുമായി കു​വൈ​ത്തിലെ പബ്ലി​ക് അ​തോ​റി​റ്റി ഫോ​ർ മാ​ൻ​പ​വ​ർ. ശമ്പളം നൽകുന്നതിൽ വീഴ്ച വരുത്തിയ നിരവധി സ്വ​കാ​ര്യ ക​മ്പ​നി​ക​ളു​ടെ ഫയലുകൾ താ​ൽ​ക്കാ​ലി​ക​മാ​യി സ​സ്‌​പെ​ൻ​ഡ് ചെ​യ്തു. ആ​ഭ്യ​ന്ത​ര മ​ന്ത്രി ശൈ​ഖ് ഫ​ഹ​ദ് അ​ൽ സ​ഊ​ദ് യൂ​സു​ഫി​ന്റെ പ്രേത്യക നി​ർ​ദേ​ശ​ത്തെ തു​ട​ർ​ന്നാ​ണ് ന​ട​പ​ടി സ്വീകരിച്ചത്.

ഈ കമ്പനികൾക്ക് പു​തി​യ ജീ​വ​ന​ക്കാ​രെ നി​യ​മി​ക്കാ​ൻ കഴിയില്ല. തൊഴിൽ വിസ അടക്കമുള്ള നടപടിക്രമങ്ങൾക്കും അ​തോ​റി​റ്റിയുടെ ഈ വിലക്ക് ബാധകമായതിനാൽ ഇത് കമ്പനികളുടെ മുന്നോട്ടുള്ള പ്രവർത്തനത്തെ സാരമായി ബാധിക്കുമെന്ന് വിദഗ്‌ദ്ധർ പറയുന്നു.

അതേസമയം നി​ല​വി​ലു​ള്ള തൊ​ഴി​ലാ​ളി​ക​ളു​ടെ വി​സ പുതുക്കാനും അവർക്ക് സ്ഥാപനം മാറുന്നതിനും ത​ട​സ്സ​മി​ല്ലെ​ന്ന് അ​ധി​കൃ​ത​ർ വ്യക്തമാക്കി. തൊ​ഴി​ലാ​ളി​ക​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കുന്നതിന്റെ ഭാഗമായി ആണ് ന​ട​പ​ടി. ശമ്പളം ഉടൻ നൽകാൻ ആവശ്യമായ നടപടികൾ സ്വീകരിക്കണമെന്ന് അധികൃതർ കമ്പനികൾക്ക് നിർദേശം നൽകിയിട്ടുണ്ട്.

‘ആ​ഷ​ൽ’ പോ​ർ​ട്ട​ലി​ലൂ​ടെ​യാ​ണ് ശമ്പളം നൽകിയ വിവരങ്ങൾ രേ​ഖ​പ്പെ​ടു​ത്തണമെന്നും അ​തോ​റി​റ്റി അറിയിച്ചു. ശമ്പളം കുടിശ്ശിക അടക്കം നൽകിയാൽ കമ്പനികൾക്ക് ഏർപ്പെടുത്തിയ സ​സ്‌​പെ​ൻ​ഷ​ൻ നടപടി സ്വ​മേ​ധ​യാ പി​ൻ​വ​ലി​ക്കും. തൊഴിൽ നിയമങ്ങൾ കമ്പനികൾ പാലിച്ചില്ലെങ്കിൽ ക​ർ​ശ​ന ന​ട​പ​ടി​യു​ണ്ടാ​കു​മെ​ന്നും അ​തോ​റി​റ്റി അറിയിച്ചു.