ന്യൂഡല്‍ഹി: വിവിധ ബാങ്കുകളിലെ ക്ലര്‍ക്ക് തസ്തികയിലേക്ക് ഒരുമിച്ച് നടത്തിയ മെയിന്‍ പരീക്ഷയുടെ ഫലം പ്രസിദ്ധീകരിച്ച് ഇന്‍സ്റ്റിറ്റിയൂട്ട് ഓഫ് ബാങ്കിങ് പേഴ്‌സണല്‍ സെലക്ഷന്‍ (ഐബിപിഎസ്). www.ibps.in എന്ന വെബ്‌സൈറ്റ് വഴി ഉദ്യോഗാര്‍ത്ഥികള്‍ക്ക് ഫലം പരിശോധിക്കാം. ജനുവരി 19നാണ് 2.40 മണിക്കൂര്‍ ദൈര്‍ഘ്യമുള്ള പരീക്ഷ നടത്തിയത്. 2019 സെപ്റ്റംബറിലാണ് 12,000ഓളം ഒഴിവുകളിലേക്ക് ഐബിപിഎസ് അപേക്ഷ ക്ഷണിച്ചത്. ഡിസംബറിലാണ് പ്രിലിമിനറി പരീക്ഷ നടന്നത്.

കോവിഡ് വ്യാപനത്തെ തുടര്‍ന്ന് റിക്രൂട്ട്‌മെന്റ് നടപടികള്‍ നിര്‍ത്തിവെച്ചിരിക്കുകയായിരുന്നു. ബാങ്കിങ് മേഖലയിലെ റിക്രൂട്ട്‌മെന്റ് ഏജന്‍സിയായ ഐബിപിഎസ് പ്രോബേഷനറി ഓഫീസര്‍, ക്ലര്‍ക്ക്, സ്‌പെഷ്‌ലിസ്റ്റ് ഓഫീസര്‍, തുടങ്ങിയ തസ്തികകളിലെ ഫല പ്രഖ്യാപനവും വിവിധ തസ്തികകളിലേക്കുള്ള പരീക്ഷകളുമാണ് അനിശ്ചിതകാലത്തേക്ക് നീട്ടിയിരിക്കുകയാണ്.