'മോദിജിയെ പോലെ ആകരുത്, മാസ്‌ക് ധരിക്കൂ'- പ്രധാനമന്ത്രിയെ ട്രോളി എഎപി

ന്യൂഡല്‍ഹി: പ്രധാനമന്ത്രി നരേന്ദ്ര മോദിയെ ട്രോളി ആം ആദ്മി പാര്‍ട്ടി. പൊതുപരിപാടിക്ക് മാസ്‌ക് ധരിക്കാതെ എത്തിയ മോദിയുടെ നടപടി ചൂണ്ടിക്കാട്ടിയാണ് എഎപിയുടെ ട്രോള്‍. 

മാസ്‌ക് ധരിക്കാതെ ഒരു കരകൗശല പ്രദര്‍ശന ശാലയിലൂടെ നടക്കുന്ന മോദിയുടെ വീഡിയോ പങ്കിട്ടാണ് എഎപി ട്രോള്‍. വില്‍പ്പനയ്ക്കായി വച്ച മാസ്‌ക് മോദി എടുക്കുമ്പോള്‍ ഒരെണ്ണം വില്‍പ്പനക്കാരന്റെ പക്കല്‍ നിന്ന് വാങ്ങാന്‍ ഒരു വളണ്ടിയര്‍ മോദിയോട് പറയുന്നു. എന്നാല്‍ അദ്ദേഹം അത് നിരസിച്ച് മുന്നോട്ട് പോകുന്നതും വീഡിയോയില്‍ കാണാം. 

'മോദിജിയെ പോലെ ആകരുത്, മാസ്‌ക് ധരിക്കൂ'- എന്ന കുറിപ്പോടെയാണ് ഈ വീഡിയോ എഎപി പങ്കിട്ടിരിക്കുന്നത്. നിരവധി പേര്‍ മോദി മാസ്‌ക് ധരിക്കാത്തതിനെ വിമര്‍ശിച്ച് വീഡിയോക്ക് താഴെ എത്തിയിട്ടുണ്ട്.