ഗ്യാസ് സിലണ്ടര്‍ പൊട്ടിത്തെറിച്ച് അപകടം; ധാരാവിയില്‍ എട്ടുവയസുകാരനടക്കം 15 പേര്‍ക്ക് പരിക്ക് 

മുംബൈ: മുംബൈയിലെ ധാരാവിയില്‍ ഗ്യാസ് സിലണ്ടര്‍ പൊട്ടിത്തെറിച്ചുണ്ടായ അപകടത്തില്‍ 15 പേര്‍ക്കു പരിക്കേറ്റു. ‍എട്ടുവയസുള്ള ആണ്‍കുട്ടി ഉൾപ്പെടെ അഞ്ചുപേരുടെ നില ഗുരുതരമാണ്. ഇന്ന് ഉച്ചകഴിഞ്ഞാണ് അപകടമുണ്ടായത്. 

ധാരാവി ഷാഹു നഗര്‍ മേഖലയിലെ ധാരാവി ഷാഹു നഗര്‍ മേഖലയിലെ ചേരിയിലെ കുടിലിന് പുറത്തുവെച്ച സിലണ്ടറാണ് പൊട്ടിത്തെറിച്ചത്. പരിക്കേറ്റവരെ ഉടന്‍ തന്നെ അടുത്തുള്ള സിയോണ്‍ ആശുപത്രിയില്‍ പ്രവേശിപ്പിച്ചു. സിലിണ്ടറിനു ചോർച്ച ഉണ്ടായിരുന്നതിനാലാണ് കുടിലിനു പുറത്ത് വെച്ചിരുന്നതെന്ന് അഗ്നിരക്ഷാ സംഘം അന്വേഷണത്തില്‍ കണ്ടെത്തി. സ്‌ഫോടനത്തില്‍ ചെറിയതോതിൽ തീപിടിത്തമുണ്ടായി. അഗ്നിരക്ഷാ സംഘമാണ് തീ നിയന്ത്രണ വിധേയമാക്കിയത്.