55 രാജ്യസഭാ സീറ്റുകളിലേക്ക് മാര്‍ച്ചില്‍ തെരഞ്ഞെടുപ്പ് 

ന്യൂഡല്‍ഹി: ഏപ്രിലില്‍ ഒഴിവു വരുന്ന 55 രാജ്യസഭാ സീറ്റുകളിലേക്ക് മാര്‍ച്ച് 26ന് തെരഞ്ഞെടുപ്പു നടക്കും. ഏപ്രിലിലെ വ്യത്യസ്ത തീയതികളിലായ ഒഴിവു വരുന്ന സീറ്റുകളിലേക്കാണ് ഒരുമിച്ചു തെരഞ്ഞെടുപ്പ്.

പതിനേഴു സംസ്ഥാനങ്ങളില്‍നിന്നുള്ള 55 സീറ്റുകളാണ് ഏപ്രിലില്‍ ഒഴിവു വരുന്നത്. മാര്‍ച്ച് ആറിന് തെരഞ്ഞെടുപ്പു വിജ്ഞാപനം പുറപ്പെടുവിക്കും. 13 ആണ് പത്രിക നല്‍കാനുള്ള അവസാന തീയതി. വോട്ടിങ് തീര്‍ന്ന് ഒരു മണിക്കൂറിനകം വോട്ടെണ്ണും. 

എന്‍സിപി നേതാവ് ശരത് പവാര്‍, കേന്ദ്രമന്ത്രി രാമദാസ് അതവാലെ, കോണ്‍ഗ്രസ് നേതാവ് മോട്ടീലാല്‍ വോറ, മുന്‍ കേന്ദ്രമന്ത്രി വിജയ് ഗോയല്‍ എന്നിവരുടെ കാലാവധി ഏപ്രിലില്‍ അവസാനിക്കുകയാണ്.