5 വയസുകാരനായ സഹോദരനുമായി വഴക്കിട്ടു; പത്തുവയസുകാരി തൂങ്ങി മരിച്ചു

ആഗ്ര: അഞ്ചുവയസുളള സഹോദരനുമായി വഴക്കിട്ടതിനെ തുടര്‍ന്ന് പത്തുവയസുകാരി ആത്മഹത്യ ചെയ്തു. ആഗ്ര ജില്ലയിലെ പ്രതാപ് പുരയിലാണ് സംഭവം. 

സംഭവത്തില്‍ പൊലീസ് അന്വേഷണം ആരംഭിച്ചതായി ഫത്തേബാദ് പൊലീസ് പറഞ്ഞു. ആത്മഹത്യ ചെയ്തതായി വിവരം ലഭിച്ചതിന്റെ അടിസ്ഥാനത്തില്‍ വീട്ടില്‍ എത്തി നിയമപരമായ നടപടികള്‍ സ്വീകരിച്ചതായും സഹോദരിയും സഹോദരനും  തമ്മില്‍ വഴക്കിട്ടതായി അയല്‍വാസികള്‍ അറിയിച്ചതായും പൊലീസ് പറഞ്ഞു.

പത്തുവയസുകാരി ആത്മഹത്യ ചെയ്‌തെന്ന വാര്‍ത്ത ഞെട്ടലുണ്ടാക്കിയെന്നും വിശദമായ അന്വേഷണം നടത്തുമെന്നും എസ്എസ്പി പറഞ്ഞു. ശനിയാഴ്ച വൈകുന്നേരം സഹോദരനും സഹോദരിയും തമ്മില്‍ തര്‍ക്കമുണ്ടായതിനെ തുടര്‍ന്നാണ് സംഭവം നടന്നതെന്ന് പോലീസ് പറഞ്ഞു.