ന്യഡല്‍ഹി: പശ്ചിമബംഗാള്‍ നിയമസഭാ തെരഞ്ഞെടുപ്പിന് മാസങ്ങള്‍ മാത്രം അവശേഷിക്കെ ഭരണം പിടിക്കാന്‍ പുതുതന്ത്രങ്ങളുമായി ബിജെപി. പാര്‍ട്ടിയുടെ ചാണക്യനെന്ന് വിശേഷിപ്പിക്കെപ്പെടുന്ന അമിത് ഷാ ഫിബ്രവരി മുതല്‍ നിയമസഭാ
തെരഞ്ഞെടുപ്പ് വരെ എല്ലാ മാസവും ഒരാഴ്ച ബംഗാളില്‍ ചെലവഴിക്കും. കഴിഞ്ഞ ദിവസം ബംഗാളിലെത്തിയതിന് പിന്നാലെ നേതാക്കളുമായി നടത്തിയ കൂടിക്കാഴ്ചയിലാണ് ഇക്കാര്യം വ്യക്തമാക്കിയത്.

ജനുവരി മാസത്തില്‍ അമിത് ഷാ ബംഗാള്‍ സന്ദര്‍ശിക്കുമെന്നാണ് റിപ്പോര്‍ട്ടുകള്‍. ജനുവരി 12ന് സ്വാമി വിവേകാനന്ദന്‍ ജന്മദിനത്തിലോ, ജനുവരി 23 സുഭാഷ് ചന്ദ്രബോസിന്റെ ജന്മദിനത്തിലോ ആയിരിക്കും സന്ദര്‍ശനം. 

ഫെബ്രുവരി മുതല്‍ നിയമസഭാ തെരഞ്ഞെടുപ്പ് വരെ മാസത്തില്‍ ഒരാഴ്ചയെങ്കിലും സംസ്ഥാനത്ത് ചെലവഴിക്കുമെന്ന് നേതാക്കള്‍ പറഞ്ഞു. അമിത് ഷായുടെ സന്ദര്‍ശനം പാര്‍ട്ടി പ്രവര്‍ത്തകരെ കൂടുതല്‍ ഊര്‍ജ്ജസ്വലരാക്കുമെന്ന് ബംഗാള്‍ നേതാക്കള്‍ പറഞ്ഞു. ബംഗാളില്‍ 200 സീറ്റ് നേടി അധികാരം നേടുമെന്ന് അമിത് ഷാ കഴിഞ്ഞ ബംഗാള്‍ സന്ദര്‍ശനത്തിനിടെ വ്യക്തമാക്കിയിരുന്നു. കഴിഞ്ഞ ലോക്‌സഭാ തെരഞ്ഞടുപ്പില്‍ മികച്ച മുന്നേറ്റമാണ് ബിജെപി ബംഗാളില്‍ നടത്തിയത്.