ഐബിപിഎസ് പൊതുപരീക്ഷയ്ക്ക് വീണ്ടും അവസരം, 3517 ഒഴിവുകൾ; നാളെ മുതൽ ഈ വിഭാ​​ഗക്കാർക്ക് അപേക്ഷിക്കാം

ന്യൂഡൽഹി: പൊതുമേഖല ബാങ്കുകളിൽ പ്രൊ​ബേ​ഷ​ന​റി ഓ​ഫി​സ​ർ/​മാ​നേ​ജ്​​​മെൻറ്​ ട്രെ​യി​നീ​സ്​ തസ്തികകളിലേക്ക് ഐബിപിഎസ് നടത്തുന്ന പൊതുപരീക്ഷയ്ക്ക് അപേക്ഷ സമർപ്പിക്കാൻ വീണ്ടും അവസരം. നേ​ര​ത്തെ പ്ര​സി​ദ്ധീ​ക​രി​ച്ച വി​ജ്ഞാ​പ​ന​പ്ര​കാ​രം അ​പേ​ക്ഷ ഓ​ൺ​ലൈ​നാ​യി പൂ​ർ​ത്തീ​ക​രി​ക്കാ​ൻ ക​ഴി​യാ​ത്ത​വ​ർ​ക്കും അ​തി​നു​ശേ​ഷം യോ​ഗ്യ​ത നേ​ടി​യ​വ​ർ​ക്കുമാണ് അ​പേ​ക്ഷി​ക്കാ​ൻ വീ​ണ്ടും അ​വ​സ​രം ലഭിച്ചിരിക്കുന്നത്. 

പ്രൊ​ബേ​ഷ​ന​റി ഓ​ഫി​സ​ർ/​മാ​നേ​ജ്​​മെൻറ്​ ട്രെ​യി​നി ത​സ്​​തി​ക​ക്ക്​ ഒ​ക്​​ടോ​ബ​ർ 28 മു​ത​ൽ ന​വം​ബ​ർ 11 വ​രെ​ അ​പേ​ക്ഷി​ക്കാം. ആദ്യം​ ര​ജി​സ്​​റ്റ​ർ ചെ​യ്​​ത​വ​ർ​ക്ക്​ അ​പേ​ക്ഷ​ക​ളി​ൽ തി​രു​ത്ത്​ വ​രു​ത്തു​ന്ന​തി​നും അ​വ​സ​ര​മു​ണ്ട്. ഓ​ഗസ്റ്റ് അഞ്ചുമുതൽ 26 വരെയുളള സമയക്രമത്തിൽ രജിസ്റ്റർ ചെയ്യാൻ കഴിയാത്തവർക്കാണ് വീണ്ടും അവസരം നൽകുന്നത്. ഇതിന് ശേഷം യോ​ഗ്യത നേടിയവർക്കും അപേക്ഷ സമർപ്പിക്കാൻ കഴിയുന്നവിധമാണ് അനുബന്ധ വിജ്ഞാപനം പുറത്തിറക്കിയത്. 3517 ഒഴിവുകളാണ് ഉളളത്.

 ഓ​ഫി​സ​ർ/​മാ​നേ​ജ്​​മെൻറ്​ ട്രെ​യി​നി ത​സ്​​തി​ക​ക​ളി​ലേക്ക് അപേക്ഷിക്കാനുള്ള യോ​ഗ്യത ബി​രു​ദ​മാണ്. പ്രാ​യം 20നും 30 നും ഇടയിലായിരിക്കണം. സം​വ​ര​ണ വി​ഭാ​ഗ​ങ്ങ​ൾ​ക്ക്​ പ്രാ​യ​പ​രി​ധി​യി​ൽ ച​ട്ട​പ്ര​കാ​രം ഇ​ള​വു​ണ്ട്. അ​പേ​ക്ഷ ഓ​ൺ​ലൈ​നാ​യി സ​മ​ർ​പ്പി​ക്ക​ണം. ജനുവരി അഞ്ച്, ആറ് തീയതികളിലായാണ് പരീക്ഷ. പരീക്ഷയ്ക്ക‌് പത്തുദിവസം മുൻപ് അഡ്മിഷൻ കാർഡ് ഓൺലൈനിൽ ലഭ്യമാകും. ആദ്യ വിജ്ഞാപന പ്രകാരം ഒക്ടോബറിൽ പരീക്ഷയ്ക്ക് തയ്യാറെടുത്തവർ വീണ്ടും അപേക്ഷിക്കേണ്ടതില്ല.