ഭാരത് ബന്ദ് : പിന്തുണയുമായി ഇടതുപാര്‍ട്ടികള്‍ ; ബന്ദില്‍ പങ്കാളികളാകാന്‍ ആഹ്വാനം

ന്യൂഡല്‍ഹി : കര്‍ഷകസംഘടനകളുടെ ഭാരതബന്ദിന് ഇടതുപാര്‍ട്ടികളുടെ പിന്തുണ. കേന്ദ്രസര്‍ക്കാരിന്റെ കാര്‍ഷിക നയങ്ങളില്‍ പ്രതിഷേധിച്ചുള്ള സമരത്തിന്റെ ഭാഗമായി ഊ മാസം 25 ന് ഭാരത് ബന്ദ് നടത്താനാണ് സംയുക്ത കിസാന്‍ മോര്‍ച്ച ആഹ്വാനം ചെയ്തത്. 

കിസാന്‍ മോര്‍ച്ച പ്രഖ്യാപിച്ച ഭാരത് ബന്ദില്‍ പങ്കാളികളാകാന്‍ അണികളോട് ഇടതുനേതാക്കള്‍ സംയുക്ത പ്രസ്താവനയില്‍ ആവശ്യപ്പെട്ടു. കാര്‍ഷിക നിയമങ്ങള്‍ ഉടന്‍ റദ്ദാക്കാന്‍ നരേന്ദ്രമോദി സര്‍ക്കാര്‍ തയ്യാറാകണമെന്നും ഇടതു പാര്‍ട്ടികള്‍ ആവശ്യപ്പെട്ടു.

കര്‍ഷക വിരുദ്ധ നിയമങ്ങള്‍ പിന്‍വലിക്കണമെന്ന് ആവശ്യപ്പെട്ട് കര്‍ഷകസംഘടനകള്‍ ഡല്‍ഹി അതിര്‍ത്തിയില്‍ നടത്തുന്ന സമരം പത്തുമാസം പിന്നിട്ടു. ഈ സാഹചര്യത്തില്‍ സമരം വീണ്ടും കടുപ്പിക്കുക ലക്ഷ്യമിട്ടാണ് ഭാരത് ബന്ദിന് ആഹ്വാനം നല്‍കിയിട്ടുള്ളത്.