ഉച്ചവരെ ബിജെപിക്കായി പ്രചാരണം; പിന്നാലെ കോണ്‍ഗ്രസില്‍ ചേര്‍ന്ന് അശോക് തന്‍വര്‍
അശോക് തന്‍വര്‍ ബിജെപി വിട്ട് കോണ്‍ഗ്രസില്‍ ചേര്‍ന്നു
അശോക് തൻവർ Source by : ഫെയ്സ്ബുക്ക്
Last Updated :3 October 2024, 4:27 pm IST
ന്യൂഡല്‍ഹി: ഹരിയാനയില്‍ നിയമസഭ തെരഞ്ഞെടുപ്പിന് രണ്ടു ദിവസം മാത്രം ശേഷിക്കെ, ബിജെപി നേതാവ് അശോക് തന്‍വര്‍ പാര്‍ട്ടി വിട്ട് കോണ്‍ഗ്രസില്‍ ചേര്‍ന്നു. ഹരിയാനയിലെ മഹേന്ദ്രഗഡിലെ ഭാവനിയയില്‍, ലോക്‌സഭ പ്രതിപക്ഷ നേതാവ് രാഹുല്‍ഗാന്ധി പങ്കെടുത്ത റാലിയില്‍ വെച്ചാണ് അശോക് തന്‍വര്‍ വീണ്ടും പാര്‍ട്ടിയില്‍ ചേര്‍ന്നത്. സിര്‍സയില്‍ നിന്നുള്ള മുന്‍ പാര്‍ലമെന്റംഗമാണ് തന്‍വര്‍.
ഉച്ചവരെ ബിജെപി സ്ഥാനാര്‍ത്ഥിക്ക് വേണ്ടി പ്രചാരണം നടത്തിയ ശേഷമാണ്, അശോക് തന്‍വര്‍ രാഹുല്‍ഗാന്ധി പങ്കെടുത്ത റാലിയിലെത്തി കോണ്‍ഗ്രസില്‍ ചേര്‍ന്നത്. കോണ്‍ഗ്രസ് മുന്‍ സംസ്ഥാന പ്രസിഡന്റായിരുന്ന അശോക് തന്‍വര്‍, 2019 ലാണ് പാര്‍ട്ടി വിട്ടത്. തുടര്‍ന്ന് തൃണമൂല്‍ കോണ്‍ഗ്രസില്‍ ചേര്‍ന്ന അശോക് തന്‍വര്‍ 2022 ല്‍ ആം ആദ്മി പാര്‍ട്ടിയിലെത്തി.
കഴിഞ്ഞ വര്‍ഷം ജനുവരിയിലാണ് അശോക് തന്‍വര്‍ ബിജെപിയിലെത്തിയത്. നരേന്ദ്രമോദിയുടെ നേതൃത്വത്തെ പുകഴ്ത്തിയാണ് അശോക് തന്‍വര്‍ ബിജെപി അംഗത്വം സ്വീകരിക്കുന്നത്. കഴിഞ്ഞ ലോക്‌സഭ തെരഞ്ഞെടുപ്പില്‍ സിര്‍സ മണ്ഡലത്തില്‍ കോണ്‍ഗ്രസിന്റെ കുമാരി ഷെല്‍ജക്കെതിരെ മത്സരിച്ചെങ്കിലും പരാജയപ്പെടുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
Related topics
News Now
ചെറുതാഴം രാമപുരത്ത് സ്വകാര്യ ബസ്സും പാർസൽ ലോറിയും കൂട്ടിയിടിച്ചു; 15 യാത്രക്കാർക്ക് പരിക്ക്
Bypoll results LIVE | തമിഴ്നാട്ടിൽ വീണ്ടും വിജയ് തരംഗം; ബംഗാളിൽ ബിജെപി കുതിപ്പ്
പിണറായിയുടെ ഭാവി ജീവിതം ജയിലില്‍; പ്രതിപക്ഷനേതൃസ്ഥാനം രാജിവെച്ചില്ലെങ്കില്‍ ജനകീയപ്രക്ഷോഭം: ഷോണ്‍ ജോര്‍ജ്ജ്
മൊബൈൽ ഉപയോഗവും തെറ്റായ ഇരിപ്പും; കഴുത്തുവേദനയ്ക്കും നടുവേദനയ്ക്കും പിന്നിലെ 5 കാരണങ്ങൾ
