കൊല്‍ക്കത്ത: കേന്ദ്രമന്ത്രിയും ബംഗാളിലെ ബിജെപി നേതാവുമായ ബാബുല്‍ സുപ്രിയോയ്ക്ക് കോവിഡ് സ്ഥിരീകരിച്ചു. പശ്ചിമബംഗാള്‍ നിയമസഭാ തെരഞ്ഞെടുപ്പില്‍ ടോളിഗഞ്ചില്‍ നിന്നാണ് സുപ്രിയോ മത്സരിച്ചത്. തെരഞ്ഞെടുപ്പിന്റെ നാലാംഘട്ടത്തിലായിരുന്നു ജനവിധി തേടിയത്. 

ഇത് രണ്ടാം തവണയാണ് സുപ്രിയോയ്ക്ക് കോവിഡ് സ്ഥിരീകരിക്കുന്നത്. ഭാര്യയ്ക്കും വൈറസ് ബാധയുണ്ട്. മന്ത്രി തന്നെയാണ് കോവിഡ് സ്ഥിരീകരിച്ച കാര്യം ട്വിറ്ററില്‍ കുറിച്ചത്. 

ബംഗാളില്‍ കഴിഞ്ഞ 24 മണിക്കൂറിനുള്ളില്‍ 14,281 പേര്‍ക്കാണ് കോവിഡ് സ്ഥിരീകരിച്ചത്. ഇതോടെ സംസ്ഥാനത്തെ വൈറസ് ബാധിതരുടെ 7,28,061 ആയി. 59 പേരാണ് മരിച്ചത്.