'മതി, ഇനി വേണ്ട'; തൃണമൂലിൽ നിന്ന് എത്തുന്നവർക്ക് മുന്നിൽ വാതിലടച്ച് ബിജെപി

ന്യൂഡൽഹി: നിയമസഭാ തെരഞ്ഞെടുപ്പിന് മുന്നോടിയായി തൃണമൂൽ കോൺഗ്രസിൽ നിന്നുള്ള നേതാക്കൾ പാർട്ടിയിൽ ചേരുന്നത്​ തുടരുന്നതിനിടെ ഇതിന്​ താൽക്കാലികമായി തടയിട്ട്​ ബിജെപി. ​ നേതാക്കളെ കൂട്ടത്തോടെയെത്തിച്ച്​ തൃണമൂലിന്‍റെ ബി ടീമാനാകാനില്ലെന്നാണ്​ ബിജെപിയുടെ പുതിയ നിലപാട്​. ഇനി കൃത്യമായ പരിശോധനയില്ലാതെ ആരെയും പാർട്ടിയിൽ ചേർക്കേണ്ടെന്നാണ്​ ബിജെപിയുടെ തീരുമാനമെന്ന് ദേശീയ ജനറൽ സെക്രട്ടറി കൈലാഷ്‌
വിജയ് വാർ​ഗിയ പറഞ്ഞു.

തൃണമൂലിന്‍റെ ബി ടീമാകാൻ ഞങ്ങൾ ആഗ്രഹിക്കുന്നില്ല. ക്ലീൻ ഇമേജില്ലാത്ത പല തൃണമൂൽ നേതാക്കളും ബിജെപിയിലെത്തുകയാണ്​. പല തരത്തിലുള്ള ആരോപണങ്ങൾ അഭിമുഖീകരിക്കുന്ന നേതാക്കൾ ബിജെപിയിൽ എത്തുന്നതിനെ ജനങ്ങൾ അംഗീകരിക്കുന്നില്ലെന്ന്​ ‌വിജയ് വാർ​ഗിയ പറഞ്ഞു.

ഇനി മുതൽ കൂട്ടത്തോടെ ആളുകളെ ബി.ജെ.പിയിലെത്താൻ അനുവദിക്കില്ല. കൃത്യമായ പരിശോധന നടത്തിയാകും നേതാക്കളെ പാർട്ടിയിലേക്ക്​ എത്തിക്കുകയെന്നും വിജയ വർഗീയ പറഞ്ഞു. കൂട്ടത്തോടെ ആളുകൾ എത്തുന്നതിനെ ബി.ജെ.പി ജില്ലാ നേതൃത്വം അംഗീകരിക്കുന്നില്ലെന്നാണ്​ സൂചന