എലി 'ഒപ്പിച്ച പണി', മൂര്‍ഖന്‍ വീടിന്റെ വൈദ്യുതി മീറ്ററില്‍ കുടുങ്ങി; പിന്നെ സംഭവിച്ചത് -വീഡിയോ 

ഭുവനേശ്വര്‍: പാമ്പിനെ കണ്ടാല്‍ തന്നെ ഭയപ്പെടുന്നവരാണ് ഭൂരിഭാഗം ആളുകളും. പാമ്പിനെ കണ്ടാല്‍ പറയുകയും വേണ്ട!. ഇപ്പോള്‍ എലിയെ പിടിക്കാനുള്ള ശ്രമത്തിനിടെ വീടിന്റെ വൈദ്യുതി മീറ്ററില്‍ കുടുങ്ങിപ്പോയ മൂര്‍ഖനാണ് വാര്‍ത്തകളില്‍ നിറയുന്നത്.

ഭുവനേശ്വറിലാണ് സംഭവം. എലിയെ പിടിക്കാനുള്ള ശ്രമത്തിനിടെ വൈദ്യുതി മീറ്ററില്‍ കയറിയ മൂര്‍ഖന്‍ പുറത്തേയ്ക്ക് വരാന്‍ കഴിയാതെ കുടുങ്ങിപ്പോകുകയായിരുന്നു. വീട്ടുകാര്‍ വിളിച്ചറിയിച്ചതിനെ തുടര്‍ന്ന് വീട്ടിലെത്തിയ പാമ്പ് പിടിത്ത വിദഗ്ധരാണ് പാമ്പിനെ രക്ഷിച്ചത്. 

മീറ്ററിന്റെ സീല്‍ പൊട്ടിച്ചാണ് മൂര്‍ഖനെ രക്ഷിച്ചത്. തുടര്‍ന്ന് ആളൊഴിഞ്ഞ സ്ഥലത്ത് കൊണ്ടുപോയി പാമ്പിനെ വിട്ടയച്ചതായാണ് റിപ്പോര്‍ട്ട്.
 

കടപ്പാട്:Prameya News7