രാജ്യത്ത് രോഗികള്‍ കുറയുന്നു; ഇന്നലെ മൂന്ന് ലക്ഷത്തില്‍ താഴെ; രോഗമുക്തര്‍ നാല് ലക്ഷത്തിനടുത്ത്

ന്യൂഡല്‍ഹി: രാജ്യത്ത് കോവിഡ് വ്യാപനം കുറയുന്നു. കഴിഞ്ഞ 24 മണിക്കൂറിനിടെ 2,81,386 പേര്‍ക്കാണ് രോഗബാധ. ഇതോടെ രോഗബാധിതരുടെ ആകെ എണ്ണം 2,49,65,463 ആയി ഉയര്‍ന്നതായി കേന്ദ്രസര്‍ക്കാര്‍ കണക്കുകള്‍ വ്യക്തമാക്കുന്നു.

24 മണിക്കൂറിനിടെ 4,106  പേരാണ് കോവിഡ് ബാധിച്ച് മരിച്ചത്. ഇതോടെ മരണസംഖ്യ  2,74,390  ആയി ഉയര്‍ന്നു. 3,78,741 പേര്‍ രോഗമുക്തരായതോടെ നിലവില്‍ ചികിത്സയിലുള്ളവര്‍ 35,16,997പേരാണ്. രാജ്യത്ത് ഇതുവരെ 2,11,74,076  പേര്‍ രോഗമുക്തരായി. ഇതുവരെ 18,29,26,460 പേര്‍ക്ക് വാക്‌സിന്‍ നല്‍കിയതായി സര്‍ക്കാര്‍ കണക്കുകള്‍ വ്യക്തമാക്കുന്നു.

മഹാരാഷ്ട്രയില്‍ ഇന്നലെ 34,389പേര്‍ക്ക് രോഗം സ്ഥിരീകരിച്ചു. 59,318 പേരാണ് രോഗമുക്തരായത്. 974പേര്‍ മരിച്ചു. 53,78,452പേര്‍ക്കാണ് മഹാരാഷ്ട്രയില്‍ ആകെ കോവിഡ് സ്ഥരീകരിച്ചത്. ഇതില്‍ 48, 26371പേര്‍ രോഗമുക്തരായി. 81,486 പേര്‍ മരിച്ചു. 4,68,109പേര്‍ ചികിത്സയിലാണ്.

കര്‍ണാടകയില്‍ 31, 531പേര്‍ക്ക് രോഗം സ്ഥിരീകരിച്ചു. 36,475പേരാണ് രോഗമുക്തരായത്. 403പേര്‍ മരിച്ചു. 15,81,457പേര്‍ രോഗമുക്തരായി. 21,837പേര്‍ മരിച്ചു.6,00,147 പേര്‍ ചികിത്സയിലാണ്.