കാമുകിയുമായി ബ്രേക്കപ്പ്, വിഷമം താങ്ങാനാവാതെ മെഴ്‌സിഡസ് ബെൻസിന് തീയിട്ട് ഡോക്ടർ

ചെന്നൈ: കാമുകിയുമായി ബ്രേക്കപ്പ് ആയതിന്റെ വിഷമത്തിൽ മെഴ്‌സിഡസ് ബെൻസ് കാറിന് തീയിട്ട് ഡോക്ടർ. തമിഴ്‌നാട്ടിലെ ധർമപുരി സ്വദേശിയായ 29കാരനായ ഡോക്ടറാണ് സ്വന്തം കാറിന് തീവച്ചത്. ബെൻസിന് തീവച്ച ശേഷം ഡോക്ടർ കാറിനുള്ളിൽ തന്നെയിരുന്ന് ആത്മഹത്യക്ക് ശ്രമിച്ചതായും പൊലീസ് സംശയിക്കുന്നു.

കാഞ്ചീപുരത്തെ സ്വകാര്യ മെഡിക്കൽ കോളജിൽ സഹപാഠിയായിരുന്ന കാമുകിയുമായി ഡോക്ടർ കുറച്ചുവർഷങ്ങൾക്ക് മുൻപ് ബന്ധം വേർപിരിഞ്ഞിരുന്നു. ഇതിനുപിന്നാലെ യുവാവ് വിഷാദത്തിലാകുകയും ചികിത്സ തേടുകയും ചെയ്തിരുന്നു. ഡോക്ടർ റിഹാബ്ലിറ്റേഷൻ തെറാപ്പിയിലായിരുന്നെന്നാണ് റിപ്പോർട്ട്. കാമുകിക്കൊപ്പം സമയം ചിലവിട്ടിരുന്ന കുളത്തിനരികിൽ വച്ചാണ് ഡോക്ടർ ജീവനൊടുക്കാൻ ശ്രമിച്ചത്. 

കാറിൽ തീപടരുന്നത് കണ്ട നാട്ടുകാർ ഫയർഫോഴ്‌സിനെ വിവരമറിയിക്കുകയും ഡോക്ടറെ പുറത്തെത്തിക്കുകയുമായിരുന്നു. കാർ പൂർണമായും കത്തിനശിച്ചു.

ഈ വാര്‍ത്ത കൂടി വായിക്കൂ 

സ്വകാര്യ നഴ്‌സിങ് ഹോമില്‍ തീപിടിത്തം; ഡോക്ടര്‍ ദമ്പതികള്‍ അടക്കം അഞ്ചുപേര്‍ മരിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ