15കാരിയെ പീഡിപ്പിച്ച് ഗര്‍ഭിണിയാക്കി; ഗര്‍ഭച്ഛിദ്രത്തിന് നിര്‍ബന്ധിപ്പിച്ചു; പൊലീസുകാരന്‍ അറസ്റ്റില്‍

പനാജി: പതിനഞ്ചുകാരിയെ തുടര്‍ച്ചയായി ബലാത്സംഗം ചെയ്ത് ഗര്‍ഭിണിയാക്കിയ പൊലീസുകാരന്‍ അറസ്റ്റില്‍. പെണ്‍കുട്ടിയെ ഇയാള്‍ ഗര്‍ഭച്ഛിദ്രത്തിന് നിര്‍ബന്ധിച്ചതായും പരാതിയില്‍ പറയുന്നു. പെണ്‍കുട്ടിയുടെ അമ്മയുടെ പരാതിയുടെ അടിസ്ഥാനത്തിലാണ് ഗോവയിലെ പൊലീസ് ഉദ്യോഗസ്ഥനായ മഞ്ജുനാഥ് കോലിയെ പൊലീസ് അറസ്റ്റ് ചെയ്തത്.

പോക്‌സോ ഉള്‍പ്പടെയുള്ള വകുപ്പുകള്‍ പ്രകാരമാണ് പ്രതിക്കെതിരെ കേസ് എടുത്തത്. പ്രതിയെ കഴിഞ്ഞ ദിവസം കോടതിയില്‍ ഹാജരാക്കി. ഏഴുദിവസത്തെ പൊലീസ് കസ്റ്റഡിയില്‍ വിട്ടതായും ഉദ്യോഗസ്ഥര്‍ വ്യക്തമാക്കി.

സംഭവത്തില്‍ കൂടുതല്‍ അന്വേഷണം നടക്കുകയാണെന്നും പൊലീസ് പറഞ്ഞു.