'കുടുംബത്തെ പച്ചയ്ക്ക് തീകൊളുത്തും'; ഭീഷണിയുമായി മന്ത്രി; കേസ്

ബെംഗളൂരു: ഭൂമി തര്‍ക്കത്തെ തുടര്‍ന്ന് കൊല്ലുമെന്ന് കുടുംബത്തെ ഭീഷണിപ്പെടുത്തിയ കര്‍ണാടക മന്ത്രി ആനന്ദ്‌ സിങ്ങിനെതിരെ പൊലീസ് കേസ് എടുത്തു. ടൂറിസം -പരിസ്ഥിതി മന്ത്രിയായ ആനന്ദ് സിങ്ങിനെതിരെ എസ്‌സി, എസ്ടി ആക്ട് പ്രകാരവും ഇന്ത്യന്‍ ശിക്ഷാനിയമത്തിലെ വിവിധ വകുപ്പുകള്‍ പ്രകാരവുമാണ് കേസ് എടുത്തിരിക്കുന്നത്. 

ചൊവ്വാഴ്ച രാത്രിയാണ് കേസിനാസ്പദമായ സംഭവം. പോലപ്പയും ഗ്രാമത്തിലെ ഒരു സമുദായത്തിലെ ആളുകളും തമ്മില്‍ ഭൂമി സംബന്ധിച്ച തര്‍ക്കം നിലനിന്നിരുന്നു. ഗ്രാമത്തിലെത്തിയ മന്ത്രിയോട് ഇക്കാര്യത്തില്‍ ഇടപെടാന്‍ പ്രദേശവാസികള്‍ ആവശ്യപ്പെട്ടിരുന്നു. തുടര്‍ന്ന് മന്ത്രി പോലപ്പയെയും കുടുംബത്തെയും ഭീഷണിപ്പെടുത്തുകയായിരുന്നു. കുടുംബത്തെ ഒന്നാകെ ചുട്ടുകൊല്ലുമെന്നായിരുന്നു മന്ത്രിയുടെ ഭീഷണി.

രാത്രി പൊലീസ് സ്റ്റേഷനിലെത്തി പോലപ്പയും കുടുംബവും സ്വയം തീകൊളുത്തി ആത്മഹത്യയ്ക്ക് ശ്രമിച്ചു. പൊലീസ് ഇവരെ ആശുപത്രിയിലെത്തിക്കുകയായിരുന്നു. പോലപ്പയ്ക്കും കുടുംബത്തിനുമെതിരെ ആത്മഹത്യാശ്രമത്തിന് കേസ് എടുത്തതായി പൊലീസ് അറിയിച്ചു.

ഈ വാര്‍ത്ത കൂടി വായിക്കൂ 

ഓരോ ദിവസവും 82 കൊലപാതകങ്ങള്‍; രാജ്യത്ത് കഴിഞ്ഞവര്‍ഷം ജീവന്‍ നഷ്ടമായത് 30,132പേര്‍ക്ക്, ഞെട്ടിക്കുന്ന കണക്ക്

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ