ബെല്ലാരിയില്‍ റസിഡന്റ് സ്‌കൂളില്‍ ആക്രമണം, വിദ്യാര്‍ഥിയുടെ അടിയേറ്റ് സഹപാഠി കൊല്ലപ്പെട്ടു

ബംഗളൂരു: കര്‍ണാടകയിലെ ബല്ലാരിയിലെ റസിഡന്റ് സ്‌കൂളിന്റെ ഹോസ്റ്റലില്‍ സഹപാഠികള്‍ക്ക് നേരെ വിദ്യാര്‍ഥിയുടെ ആക്രണം. ഇരുമ്പ് വടികൊണ്ടുള്ള അടിയേറ്റ് ഒരു വിദ്യാര്‍ഥി മരിച്ചു. ശനിയാഴ്ച രാത്രി വൈകി ഭക്ഷണം കഴിച്ച ശേഷം വിദ്യാര്‍ത്ഥികള്‍ ഉറങ്ങാന്‍ പോയപ്പോഴാണ് സംഭവം. ഒന്‍പതാം ക്ലാസ് വിദ്യാര്‍ഥിയാണ് മരിച്ചത്.

ആക്രമണത്തില്‍ എട്ട് കുട്ടികള്‍ ഉള്‍പ്പെടെ ഒമ്പത് പേര്‍ക്ക് പരിക്കേറ്റതായി പൊലീസ് പറഞ്ഞു. ബല്ലാരിയിലെ ഒരു ഗുരുകുല്‍ റസിഡന്‍ഷ്യല്‍ സ്‌കൂളില്‍ ആണ് സംഭവം.

രാത്രി ഭക്ഷണത്തിന് ശേഷം കുട്ടികള്‍ ഉറങ്ങാന്‍ പോയ സമയത്ത് കുട്ടികളില്‍ ഒരാള്‍ വടി ഉപയോഗിച്ച് മര്‍ദിക്കുകയായിരുന്നു. കിടക്കയുടെ ദണ്ഡാണ് മര്‍ദനത്തിന് ഉപയോഗിച്ചതെന്നാണ് റിപ്പോര്‍ട്ട്. ആക്രമണത്തില്‍ പരിക്കേറ്റ രണ്ട് പേരുടെ നില ഗുരുതരമാണെന്നാണ് പൊലിസ് നല്‍കുന്ന വിവരം. പരിക്കേറ്റവര്‍ നിലവില്‍ ചികിത്സയിലാണ്.