അഹമ്മദാബാദ്:  ഭര്‍ത്താവുമായി പിരിഞ്ഞ് ജീവിക്കുന്ന വീട്ടമ്മ ഉപേക്ഷിച്ചുപോയ ദേഷ്യത്തില്‍ സ്വകാര്യ ചിത്രങ്ങള്‍ മക്കള്‍ക്ക് കാമുകന്റെ പ്രതികാരം. അംബാവാഡി സ്വദേശിയായ 43 കാരിയാണ് യുവാവിനെതിരെ പരാതിയുമായി രംഗത്തെത്തിയത്. പതിനഞ്ചുവര്‍ഷമായി ഭര്‍ത്താവുമായി പിരിഞ്ഞു കഴിയുന്ന ഇവര്‍ കാറ്ററിങ് ഏജന്‍സിയിലെ ജീവനക്കാരിയാണ്. 

ഒന്നരവര്‍ഷം മുന്‍പാണ് ജോലി ചെയ്യുന്ന സ്ഥാപനത്തിലെ യുവാവുമായി അടുപ്പത്തിലയാത്. എന്നാല്‍ മക്കളെ കുറിച്ച് ഓര്‍ത്തപ്പോള്‍ ഈ ബന്ധം മൂന്നാം മാസത്തില്‍ സ്ത്രീ ഉപേക്ഷിച്ചു. ഈ ബന്ധം മക്കള്‍ക്ക്് നാണക്കേടുണ്ടാക്കും എന്ന കാരണത്താലാണ് ബന്ധത്തില്‍ നിന്ന് പിന്‍മാറിയത്. എന്നാല്‍ ഇതിന് പിന്നാലെ യുവാവ് ഇവരെ ഭീഷണിപ്പെടുത്താന്‍ തുടങ്ങി. 

ഇവരുമായുള്ള ബന്ധം തുടരാന്‍ താത്പര്യം പ്രകടിപ്പിച്ച ഇയാള്‍ ഇരുവരും ഒന്നിച്ചുള്ള ചിത്രങ്ങള്‍ സമൂഹമാധ്യമങ്ങളില്‍ പ്രചരിപ്പിക്കുമെന്നായിരുന്നു ഭീഷണി. ബന്ധം ഉപേക്ഷിക്കാനുള്ള തീരുമാനത്തില്‍ നിന്നും പിന്‍മാറിയില്ലെങ്കില്‍ ഈ ചിത്രങ്ങളെല്ലാം പരസ്യപ്പെടുത്തുമെന്നും യുവാവ് ഭീഷണിപ്പെടുത്തി. എന്നാല്‍ സ്ത്രീ തന്റെ തീരുമാനത്തില്‍ ഉറച്ചുനിന്നു. ഇതേ തുടര്‍ന്നാണ് സ്ത്രീയുടെ ചിത്രങ്ങള്‍ മക്കള്‍ക്ക് അയച്ചുനല്‍കിയത്

മകനും മകള്‍ക്കും ചിത്രങ്ങള്‍ എത്തിയതോടെ സ്ത്രീ പരാതിയുമായി അഹമ്മദാബാദ് പൊലീസ് സൈബര്‍സെല്ലിനെ സമീപിക്കുകയായിരുന്നു. ഇവരുടെ പരാതിയുടെ അടിസ്ഥാനത്തില്‍ എഫ്‌ഐആര്‍ രജിസ്റ്റര്‍ ചെയ്ത പൊലീസ് അന്വേഷണം ആരംഭിച്ചു