3ലക്ഷത്തിനായി അമ്മയെ നടുറോഡില്‍ ക്രൂരമായി വലിച്ചിഴച്ചു; രക്ഷാശ്രമവുമായി വളര്‍ത്തുനായ; വീഡിയോ വൈറല്‍

ചെന്നൈ: പണത്തിനായി അമ്മയെ മകന്‍ ക്രൂരമായി മര്‍ദ്ദിക്കുന്നതിനിടെ നായ രക്ഷിക്കാന്‍ ശ്രമിക്കുന്ന വിഡിയോ വൈറല്‍. തമിഴ്‌നാട്ടിലെ പൊന്നേരിപ്പട്ടിയിലാണ് സംഭവം. 

ഭര്‍ത്താവ് മരിച്ചതിന് പിന്നാലെ നല്ലമ്മാള്‍ എന്ന സ്ത്രീ ഒറ്റയ്ക്കാണ് താമസം. അവരുടെ പേരിലുണ്ടായിരുന്ന ഭുമി മകന്റെ പേരില്‍ എഴുതികൊടുക്കുകയും ചെയ്തിരുന്നു. തൊഴിലുറപ്പിന് പോയി ലഭിക്കുന്ന വരുമാനം കൊണ്ടാണ് അവരുടെ ഉപജീവനമാര്‍ഗം.

ജോലിക്ക് പോയി ലഭിച്ച മൂന്ന് ലക്ഷം രൂപ ഇവര്‍ വീട്ടില്‍ സൂക്ഷിച്ചിരന്നു. മകന്‍ ഷണ്‍മുഖന്‍ ഇവരുടെ  കൈയിലുണ്ടായിരുന്ന താക്കോല്‍ ലഭിക്കാനായി ഇവരെ ക്രൂരമായി വലിച്ചിഴച്ച് ആക്രമിക്കുകയായിരുന്നു. അതിനിടെ വളര്‍ത്തുനായ നല്ലമ്മയെ സംരക്ഷിക്കാന്‍ ശ്രമിക്കുന്നതും വീഡിയോയില്‍ കാണാം. താക്കോല്‍ കൈവശപ്പെടുത്തിയ ശേഷം ഭാര്യയും ഷണ്‍മുഖവും ഇവരെ റോഡില്‍ ഉപേക്ഷിക്കുകയും ചെയ്യുന്നു.

പരിക്കേറ്റ നല്ലമ്മാളിനെ ആശുപത്രിയില്‍ പ്രവേശിപ്പിച്ചു. വീഡിയോ വൈറലായതോടെ മകന്‍ ഷണ്‍മുഖത്തിനെ പൊലീസ് അറസ്റ്റ് ചെയ്തു. ഒളിവില്‍ പോയ ഭാര്യയ്ക്കായി പൊലീസ് തിരച്ചില്‍ ഊര്‍ജ്ജിതമാക്കി