കോയമ്പത്തൂർ: കോയമ്പത്തൂരിനടുത്ത് വാഹനാപകടത്തിൽ രണ്ടു കുട്ടികൾ മരിച്ചു. കേരളത്തിൽ നിന്ന് സേലം ഭാഗത്തേക്ക് പോകുകയായിരുന്ന ഒമ്നി വാൻ നിർത്തിയിട്ട ലോറിയിൽ ഇടിക്കുകയായിരുന്നു. മിത്രൻ (3 വയസ്സ്), സംഗീത ശ്രീ (5 വയസ്സ്) എന്നിവരാണ് മരിച്ചത്. 

കവുണ്ടൻ ചാവടിയിലാണ് അപകടമുണ്ടായത്. അപകടത്തിൽ ഗുരുതരമായ പരിക്കേറ്റ് മൂന്ന് സ്ത്രീകൾ ഉൾപ്പെടെ ഏഴ് പേരെ കോയമ്പത്തൂരിലെ സർക്കാർ ആശുപത്രിയിൽ പ്രവേശിപ്പിച്ചു. സേലം സ്വദേശികളാണ് അപകടത്തിൽപ്പെട്ടതെന്നാണ് പ്രാഥമിക നിഗമനം.