വിമാനത്തിനുള്ളില്‍ യാത്രക്കാരന്റെ പുകവലി, വീഡിയോ വൈറല്‍: അന്വേഷണത്തിന് ഉത്തരവിട്ട് കേന്ദ്രമന്ത്രി

ന്യൂഡല്‍ഹി: വിമാനത്തിനുള്ളില്‍ യാത്രക്കാരന്‍ പുകവലിച്ച സംഭവം അന്വേഷിക്കുമെന്ന് കേന്ദ്ര വ്യോമയാനമന്ത്രി ജ്യോതിരാദിത്യ സിന്ധ്യ. ഇത്തരം ആപത്കരമായ പെരുമാറ്റം ഒരുകാരണവശാലും അനുവദിക്കാനാവില്ല. സംഭവത്തില്‍ ഒരു വിട്ടുവീഴ്ചയുമുണ്ടാകില്ലെന്നും, അന്വേഷണത്തിനുശേഷം കര്‍ശന നടപടിയെടുക്കുമെന്നും കേന്ദ്രമന്ത്രി വ്യക്തമാക്കി. 

ദുബായില്‍ നിന്നും ന്യൂഡല്‍ഹിയിലേക്ക് വന്ന സ്‌പൈസ് ജെറ്റ് വിമാനത്തില്‍ സഞ്ചരിച്ച ബല്‍വീന്ദര്‍ കട്ടാരിയ എന്ന യാത്രക്കാരനാണ് ഫ്ലൈറ്റിന് അകത്തുവെച്ച് പുക വലിച്ചത്. ഈ വര്‍ഷം ജനുവരി 23 നാണ് ഇദ്ദേഹം ഡല്‍ഹിയില്‍ ഇറങ്ങിയത്. ഇതിന്റെ വീഡിയോ സമൂഹമാധ്യമങ്ങളില്‍ വൈറലായിരുന്നു. 

ഈ വാര്‍ത്ത കൂടി വായിക്കൂ

മാസ്‌ക് ധരിക്കാതെ പുറത്തിറങ്ങിയാല്‍ 500 രൂപ പിഴ; ഡല്‍ഹിയില്‍ മുഖാവരണം വീണ്ടും നിര്‍ബന്ധമാക്കി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ