ക്ഷേത്രത്തിലെ പ്രസാദത്തില്‍ വിഷാംശം, ഭക്തര്‍ തളര്‍ന്നു വീണു

ജയ്പൂര്‍ : മഹാശിവരാത്രിയോട് അനുബന്ധിച്ച് ക്ഷേത്രത്തില്‍ വിതരണം ചെയ്ത പ്രസാദം കഴിച്ച ഭക്തര്‍ കുഴഞ്ഞുവീണു. 60-70 ഓളം പേര്‍ക്കാണ് ദേഹാസ്വാസ്ഥ്യം അനുഭവപ്പെട്ടത്. 

രാജസ്ഥാനിലെ ദുംഗാപൂര്‍ ക്ഷേത്രത്തിലാണ് സംഭവം. ഭക്ഷ്യവിഷബാധയാണ് കാരണമെന്നാണ് സംശയമെന്ന് അസ്പൂര്‍ ചീഫ് മെഡിക്കല്‍ ഓഫീസര്‍ പറഞ്ഞു.

ശാരീരിക അസ്വസ്ഥത അനുഭവപ്പെട്ടവരെ ആശുപത്രികളിലേക്ക് മാറ്റി. പ്രസാദത്തിന്റെ സാമ്പിള്‍ വിശദ പരിശോധനയ്ക്കായി ശേഖരിച്ചതായും ചീഫ് മെഡിക്കല്‍ ഓഫീസര്‍ അറിയിച്ചു.