പ്രധാനമന്ത്രി കോവിഡ് വാക്സിൻ സ്വീകരിച്ചു

ന്യൂഡൽഹി; പ്രധാനമന്ത്രി നരേന്ദ്രമോദി കോവിഡ് വാക്സിൻ സ്വീകരിച്ചു. ഡൽഹി എയിംസിൽ നിന്നാണ് ആദ്യ ഡോസ് വാക്സിൻ സ്വീകരിച്ചത്. സോഷ്യൽ മീഡിയയിലൂടെ അദ്ദേഹം തന്നെയാണ് വാക്സിൻ സ്വീകരിച്ച വിവരം രാജ്യത്തെ അറിയിച്ചത്. എല്ലാ പൗരന്മാരും വാക്സിൻ എടുക്കണമെന്നും അദ്ദേഹം ആവശ്യപ്പെട്ടു. 

കോവിഡ് 19 വാക്സിന്റെ ആദ്യ ഡോസ് എയിംസിൽ നിന്ന് ഞാൻ സ്വീകരിച്ചു. കുറഞ്‍ സമയത്തിൽ കോവിഡ് 19 നെതിരെ പോരാട്ടം ശക്തിപ്പെടുത്താൻ നമ്മുടെ ഡോക്ടർമാരും സയന്റിസ്റ്റുകളും നടത്തിയ പ്രവർത്തനം പ്രശംസനീയമാണ്. അർഹതപ്പെട്ടവരെല്ലാ വാക്സിൻ എടുക്കാൻ ഞാൻ ആവശ്യപ്പെടുകയാണ്. ഒന്നിച്ച് നമുക്ക് ഇന്ത്യയെ കോവിഡ് മുക്തമാക്കാം- പ്രധാനമന്ത്രി കുറിച്ചു. വാക്സിൻ സ്വീകരിക്കുന്നതിന്റെ ചിത്രവും അദ്ദേഹം പങ്കുവെച്ചു.

വാക്സിൻ വിതരണത്തിന്റെ രണ്ടാം ഘട്ടത്തിലാണ് പ്രധാനമന്ത്രി വാക്സിൻ സ്വീകരിച്ചത്. 60 വയസിന് മുകളിൽ പ്രായമുള്ളവർക്കുള്ള വാക്സിൻ വിതരണം ഇന്നാണ് ആരംഭിച്ചത്.