ഹെൽമെറ്റ് ധരിച്ച് ഡെലിവെറി ബോയ്‌ക്കൊപ്പം സ്കൂട്ടറിന്റെ പിന്നിൽ രാഹുൽ; വിഡിയോ വൈറൽ 

ബെംഗളൂരു: ഫുഡ് ഡെലിവറി ബോയ്‌ക്കൊപ്പം സ്‌കൂട്ടറിന്റെ പിൻസീറ്റിലിരുന്ന് യാത്ര ചെയ്യുന്ന രാഹുൽ ​ഗാന്ധിയുടെ വിഡിയോ വൈറലാകുന്നു. കർണാടക നിയമസഭ തെരഞ്ഞെടുപ്പ് പ്രചാരണത്തിന് ഞായറാഴ്‌ച ബെം​ഗളൂരുവിൽ എത്തിയതായിരുന്നു രാഹുൽ. 

താമസിക്കുന്ന ഹോട്ടലിലേക്ക് രണ്ട് കിലോമീറ്റർ ദൂരം. ഹോട്ടലിലേക്ക് പോകാൻ സ്കൂട്ടർ യാത്ര തെരഞ്ഞെടുക്കുകയായിരുന്നു. ഹെൽമെറ്റ് ധരിച്ച് സ്‌കൂട്ടറിന്റെ പിൻസീറ്റിൽ ഇരുക്കുന്ന് യാത്ര ചെയ്യുന്ന രാഹുൽ ​ഗാന്ധിയാണ് വിഡിയോയിൽ. 

കർണാടക നിയമസഭ തെരഞ്ഞെടുപ്പിന് മൂന്ന് ദിവസം ബാക്കി നിൽക്കെ വിവിധ രാഷ്ട്രീയ പാർട്ടികൾ തങ്ങളുടെ പ്രചാരണത്തിന്റെ അവസാനഘട്ടത്തിലാണ്. ശനിയാഴ്ച പ്രധാനമന്ത്രി നരേന്ദ്ര മോദി 26 കിലോമീറ്റർ നീണ്ട മെഗാ റോഡ് ഷോ നടത്തിയിരുന്നു. റോഡിന്റെ ഇരുവശങ്ങളിലും അണിനിരന്ന ആവേശഭരിതരായ ജനക്കൂട്ടത്തെ അദ്ദേഹം അഭിവാദ്യം ചെയ്തു.

ഈ വാര്‍ത്ത കൂടി വായിക്കൂ

അമൃത്സറില്‍ സുവര്‍ണ ക്ഷേത്രത്തിന് സമീപം സ്‌ഫോടനം; നിരവധി പേര്‍ക്ക് പരിക്ക്; വീഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ