കുത്തിയൊഴുകുന്ന വെള്ളത്തിലൂടെ മുന്നോട്ട്, തലകീഴായി മറിഞ്ഞ് സ്‌കൂള്‍ ബസ് - വിഡിയോ

ചമ്പാവത് (ഉത്തരാഖണ്ഡ്): വെള്ളം കുത്തിയൊലിക്കുന്ന റോഡിലൂടെ പോവാന്‍ ശ്രമിച്ച സ്‌കൂള്‍ ബസ് ഒഴുകിപ്പോയി. ഉത്തരാഖണ്ഡിലെ ചമ്പാവത് ജില്ലയില്‍ താനക്പുരിലാണ് സംഭവം. അപകടം നടക്കുമ്പോള്‍ ബസില്‍ കുട്ടികള്‍ ഉണ്ടായിരുന്നില്ല.

ഡ്രൈവറും കണ്ടക്ടറും മാത്രമാണ് ബസില്‍ ഉണ്ടായിരുന്നത്. ഇവരെ രക്ഷപ്പെടുത്തിയതായി പൊലീസ് പറഞ്ഞു. 

വെള്ളത്തിന്റെ കുത്തൊഴുക്ക് മനസ്സിലാക്കുന്നതില്‍ ഡ്രൈവര്‍ക്കു സംഭവിച്ച പിഴവ് ആവാം അപകടത്തിലേക്കു നയിച്ചതെന്നാണ് പൊലീസ് പറയുന്നത്. ശക്തിയായ ഒഴുക്കുണ്ടെന്ന് ഡ്രൈവര്‍ മനസ്സിലാക്കിയിരിക്കില്ല. ബസ് മുന്നോട്ടുപോയപ്പോള്‍ പെട്ടെന്നു ദിശതെറ്റി വെള്ളത്തിലേക്കു പതിക്കുകയായിരുന്നു. 

ഉത്തരാഖണ്ഡില്‍ ഏതാനും ദിവസമായി കനത്ത മഴ തുടരുകയാണ്.

ഈ വാര്‍ത്ത കൂടി വായിക്കൂ

ചൈന അതിര്‍ത്തിക്കടുത്ത് നിന്ന് 19 തൊഴിലാളികളെ കാണാതായി; ഒരാള്‍ മരിച്ച നിലയില്‍? തിരച്ചില്‍ തുടരുന്നു

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ