ഉത്തരേന്ത്യന്‍ സംസ്ഥാനങ്ങളില്‍ ശക്തിയേറിയ പ്രകമ്പനം

ന്യൂഡല്‍ഹി: അഫ്ഗാനിസ്ഥാനില്‍ ഉണ്ടായ ഭൂകമ്പത്തെ തുടര്‍ന്ന് വടക്കേ ഇന്ത്യന്‍ സംസ്ഥാനങ്ങളില്‍ ശക്തമായ പ്രകമ്പനം. ജമ്മു കശ്മീരിലും ഉത്തരേന്ത്യന്‍ സംസ്ഥാനങ്ങളിലും പ്രകമ്പനം അനുഭവപ്പെട്ടു. 

അഫ്ഗാനിസ്ഥാന്‍ തജിക്കിസ്ഥാന്‍ അതിര്‍ത്തിയില്‍ ഉണ്ടായ ഭൂകമ്പത്തിന്റെ പ്രകമ്പനമാണ് ഇതെന്ന് സീസ്‌മോളജിക്കല്‍ വിദഗ്ധര്‍ പറഞ്ഞു. റിക്ടര്‍ സ്‌കെയിലില്‍ 5.7 രേഖപ്പെടുത്തിയ ഭൂകമ്പമാണ് അഫ്ഗാന്‍ അതിര്‍ത്തിയിലുണ്ടായത്. ഇതില്‍ നാശനഷ്ടമുണ്ടായോ എന്നു വ്യക്തമായിട്ടില്ല. ഇന്നു രാവിലെയാണ് ഭൂകമ്പമുണ്ടായത്.

ഉത്തരാഖണ്ഡത്തില്‍ 3.6 രേഖപ്പെടുത്തിയ പ്രകമ്പനമാണ് ഉണ്ടായതെന്ന് നാഷനല്‍ സെന്റര്‍ ഫോര്‍ സീസ്‌മോളജി അറിയിച്ചു.