ന്യൂഡല്‍ഹി: കേന്ദ്രമന്ത്രി പ്രകാശ് ജാവഡേക്കറിന് കോവിഡ് സ്ഥിരീകരിച്ചു. കോവിഡ് സ്ഥിരീകരിച്ച കാര്യം മന്ത്രി തന്നയൊണ് സമൂഹമാധ്യമങ്ങളിലൂടെ അറിയിച്ചത്. കഴിഞ്ഞ മൂന്ന് ദിവസത്തിനിടെ താനുമായി സമ്പര്‍ക്കം പുലര്‍ത്തിയവര്‍ നിരീക്ഷണത്തില്‍ പോകണമെന്ന് മന്ത്രി ട്വിറ്ററിലൂടെ ആവശ്യപ്പെട്ടു. 

നേരത്തെ അകാലിദള്‍ നേതാവും മുന്‍ കേന്ദ്രമന്ത്രിയുമായ ഹര്‍സിമ്രത് കൗര്‍ ബാദലിനും, കോണ്‍ഗ്രസ് നേതാക്കാളായ സൂര്‍ജെവാല, ദിഗ് വിജയ്‌സിങിനും കോവിഡ് സ്ഥിരീകരിച്ചിരുന്നു. വേണ്ട മുന്‍കരുതല്‍ സ്വീകരിച്ച് വീട്ടില്‍ നിരീക്ഷണത്തില്‍ കഴിയുകയാണ്. കഴിഞ്ഞ ദിവസങ്ങളില്‍ താനുമായി സമ്പര്‍ക്കത്തില്‍ ഏര്‍പ്പെട്ടവര്‍ സ്വയം നിരീക്ഷണത്തില്‍ പോകണമെന്ന് ഹര്‍സിമ്രത് കൗര്‍ അഭ്യര്‍ത്ഥിച്ചു. 

കോണ്‍ഗ്രസ് നേതാവ് രണ്‍ദീപ് സിങ് സുര്‍ജേവാലയ്ക്കും കോവിഡ് സ്ഥിരികരിച്ചിട്ടുണ്ട്. കഴിഞ്ഞ അഞ്ചുദിവസം താനുമായി സമ്പര്‍ക്കത്തില്‍ ഏര്‍പ്പെട്ടവര്‍ സ്വയം നിരീക്ഷണത്തില്‍ പോകണമെന്ന് രണ്‍ദീപ് സിങ് സുര്‍ജേവാല ആവശ്യപ്പെട്ടു.