ലഖ്‌നോ: ഉത്തര്‍പ്രദേശില്‍ ശക്തമായ പൊടിക്കാറ്റില്‍ പതിമൂന്ന് പേര്‍ മരിച്ചു. 30ല്‍  അധികം പേര്‍ക്ക് പരുക്കേറ്റു. ഗോണ്ട, ഫാസിയാബാദ്, സീതാപ്പൂര്‍ എന്നിവടങ്ങളിലാണ് പൊടിക്കാറ്റ് സാരമായി ബാധിച്ചത്

ഫാസിയബാദില്‍ 13 പേരും സീതാപ്പൂരില്‍ ആര് പേരും ഗോണ്ടയില്‍ മൂന്ന് പേരും കൗശാംബിയില്‍ 2 പേരുമാണ് മരിച്ചത്.മരം വീണാണ് കൂടുതല്‍ പേര്‍ മരിച്ചതെന്നാണ് റിപ്പോര്‍ട്ടുകള്‍. ഇന്നലെ രാത്രി 10: 30ന് ശേഷമായിരുന്നു ശക്തമായ പൊടിക്കാറ്റ്. 

ആവശ്യമായ ഇടപെടല്‍ നടത്തണമെന്ന് ജില്ലാ മജിസ്‌ട്രേറ്റിന് മുഖ്യമന്ത്രി യോഗി ആദിത്യനാഥ് ഉത്തരവിട്ടു. മരിച്ചവരുടെ കുടുംബത്തിന് നഷ്ടപരിഹാരം നല്‍കാനും നിര്‍ദേശിച്ചിട്ടുണ്ട്

മെയ്മാസത്തിലുണ്ടായ പൊടിക്കാറ്റില്‍ 130 പേര്‍ സംസ്ഥാനത്തിന്റെ വിവിധ ഭാഗങ്ങളില്‍ കൊല്ലപ്പെട്ടിരുന്നു.