17 മീറ്റര്‍ നീളം; 60 പേര്‍ക്ക് ഇരുന്ന് യാത്ര ചെയ്യാം; കെഎസ്ആര്‍ടിസി വെസ്റ്റിബുള്‍ ബസ് സര്‍വീസ് ആരംഭിച്ചു
നഗരപ്രാദേശിക റൂട്ടുകളില്‍ ചെയിന്‍ സര്‍വീസായി ഉപയോഗിക്കാനാണ് ഈ ബസുകള്‍ നിരത്തിലിറക്കിയത്
ഫയല്‍ ചിത്രം
Last Updated :20 January 2024, 8:59 am IST
കൊല്ലം: കെഎസ്ആര്‍ടിസിയുടെ നീളന്‍ ബസ് വെസ്റ്റിബുള്‍ കൊല്ലത്ത് സര്‍വീസ് ആരംഭിച്ചു. കുണ്ടറ-ചവറ റൂട്ടില്‍ ചെയിന്‍ സര്‍വീസായി ആണ് വെസ്റ്റിബുള്‍ കഴിഞ്ഞ ദിവസം സര്‍വീസ് ആരംഭിച്ചത്. 17 മീറ്റര്‍ നീളത്തില്‍ രണ്ട് ബസുകള്‍ ചേര്‍ത്ത് വച്ച രീതിയിലാണ് ബസ് നിര്‍മിച്ചിരിക്കുന്നത്. 60 പേര്‍ക്ക് ഇരുന്ന് യാത്ര ചെയ്യാനാകും. കൂടുതല്‍ യാത്രക്കാര്‍ക്ക് നിന്ന് യാത്ര ചെയ്യുവാനും ബസില്‍ സൗകര്യം ഉണ്ട്.
നഗരപ്രാദേശിക റൂട്ടുകളില്‍ ചെയിന്‍ സര്‍വീസായി ഉപയോഗിക്കാനാണ് ഈ ബസുകള്‍ നിരത്തിലിറക്കിയത്. നിലവില്‍ ഇത്തരത്തിലുള്ള ഒരു ബസ് മാത്രമാണ് കെഎസ്ആര്‍ടിസിയില്‍ ഉള്ളത്. ആദ്യം പേരൂര്‍ക്കട ഡിപ്പോയിലും പിന്നീട് വിതുരയിലും സര്‍വീസ് നടത്തിയതിന് ശേഷമാണ് ബസ് കൊല്ലത്ത് സര്‍വീസിനായി എത്തിച്ചത്.
സ്വകാര്യ ബസ് പണിമുടക്ക് ആയതിനാല്‍ 2 ദിവസം നല്ല തിരക്കാണ് ബസില്‍ അനുഭവപ്പെട്ടത്. കൊല്ലം നഗരത്തില്‍ നിന്ന് ഏറ്റവും കൂടുതല്‍ സ്വകാര്യ ബസുകള്‍ സര്‍വീസ് നടത്തുന്നത് കുണ്ടറ, ചവറ റൂട്ടുകളിലാണ്. സ്വകാര്യ ബസുകള്‍ പണിമുടക്കിയതോടെ ഈ റൂട്ടുകളില്‍ രൂക്ഷമായ ഗതാഗത പ്രശ്‌നമാണ് അനുഭവപ്പെട്ടത്. അതിനാല്‍ വെസ്റ്റിബുള്‍ സര്‍വീസിന് നല്ല സ്വീകാര്യതയാണ് യാത്രക്കാരില്‍ നിന്ന് ലഭിച്ചത്.
സ്വകാര്യ ബസ് സമരം പിന്‍വലിച്ചതിനാല്‍ പൊതുപണിമുടക്ക് ദിവസങ്ങള്‍ക്ക് ശേഷം മാത്രമേ റൂട്ടില്‍ ലാഭകരമായി സര്‍വീസ് നടത്താനാകുമോ എന്ന് അറിയിനാകു. കൂടുതല്‍ വെസ്റ്റിബുള്‍ ബസുകള്‍ വാങ്ങാനുള്ള ഒരുക്കത്തിലാണ് കെഎസ്ആര്‍ടിസി. സംസ്ഥാനത്തെ വിവിധ റൂട്ടുകളില്‍ സര്‍വീസിന്റെ സ്വീകാര്യത അറിയുവാന്‍ പരീക്ഷണ ഓട്ടം നടത്തുന്നതിന്റെ ഭാഗമായി ആണ് ബസ് കൊല്ലം ഡിപ്പോയില്‍ സര്‍വീസ് നടത്തുന്നത്.
വെസ്റ്റിബുള്‍ സര്‍വീസുകളിലൂടെ കെഎസ്ആര്‍ടിസിക്ക് ഇന്ധന ലാഭവും കൂടുതല്‍ യാത്രക്കാരെ കയറ്റുന്നതിലൂടെ വരുമാന വര്‍ധനവും ലഭിക്കുമെന്നും അധികൃതര്‍ അറിയിച്ചു. രാവിലെ 7.10ന് കൊല്ലം ഡിപ്പോയില്‍ നിന്ന് സര്‍വീസ് ആരംഭിക്കും. ചവറ-ചിന്നക്കട-കുണ്ടറ റൂട്ടിലാണ് ബസ് ചെയിന്‍ സര്‍വീസ് നടത്തുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
മുത്തങ്ങ സമരത്തിനിടെ പൊലീസ് മര്‍ദ്ദനമേറ്റ കെ കെ സുരേന്ദ്രന് ഒടുവില്‍ നീതി; 12.5 ലക്ഷം രൂപ നല്‍കാന്‍ സര്‍ക്കാര്‍ ഉത്തരവ്
'പ്രധാനമന്ത്രി അംബാനി; ബിജെപിക്ക് റിലയന്‍സ് നല്‍കിയത് 385 കോടി'; റിപ്പോര്‍ട്ട് പങ്കുവച്ച് ഇലോണ്‍ മസ്‌ക്
വായ്പ ചെലവേറിയതാകും; പലിശനിരക്ക് ഉയര്‍ത്തി ബാങ്കുകള്‍
'ശ്വാസം കിട്ടാതെ കിതച്ചു', നേപ്പാളി ബാലന് വേണ്ടി ചുരമിറങ്ങി സി കെ ശശീന്ദ്രന്‍; ചേര്‍ത്തുപിടിച്ച് മമ്മൂട്ടി
