പുള്ളിപ്പുലിയെ കൊന്ന് കറിവച്ചു, തോലും പല്ലും നഖവും ഉരിഞ്ഞു മാറ്റി; മാങ്കുളത്ത് അഞ്ച് പേർ അറസ്റ്റിൽ 

ഇടുക്കി: ഇടുക്കി മാങ്കുളത്ത് പുള്ളിപ്പുലിയെ കൊന്ന് കറിവച്ച സംഭവത്തിൽ അഞ്ച് പേർ അറസ്റ്റിൽ. രഹസ്യവിവരത്തിൻറെ അടിസ്ഥാനത്തിൽ വനംവകുപ്പാണ് പ്രതികളെ ‌പിടികൂടിയത്. ആറ് വയസുള്ള പുള്ളിപ്പുലിയെ കെണിവച്ചാണ് പിടിച്ചത്.

ബുധനാഴ്ച പിടിച്ച പുലിയ ഇന്നലെ തോലുരിഞ്ഞ് ഇറച്ചി കറിയാക്കി. പത്തുകിലോയോളം ഇറച്ചിയെടുത്ത് കറിവയ്ക്കുകയായിരുന്നു. തോലും പല്ലും നഖവും വിൽപ്പനയ്ക്കായി ഉരിഞ്ഞു മാറ്റി. പുലിയുടെ അവശിഷ്ടങ്ങളും കറിയും വനംവകുപ്പ് കണ്ടെടുത്തു.