തൃശൂര്‍ പൂരത്തിന് ഇടയില്‍ ആല്‍മരം വീണ് അപകടം; രണ്ട് പേര്‍ മരിച്ചു; നിരവധി പേര്‍ക്ക് പരിക്ക് 

തൃ​ശൂ​ർ: തൃ​ശൂ​ർ പൂ​ര​ത്തി​നി​ടയിൽ ആൽമരംമരത്തിന്റെ ശിഖരം പൊട്ടി വീ​ണുണ്ടായ അ​പ​ക​ടത്തിൽ രണ്ട് മരണം. തി​രു​വ​മ്പാ​ടി ആ​ഘോ​ഷ ക​മ്മി​റ്റി അം​ഗം ര​മേ​ശ് (56), പൂ​ങ്കു​ന്നം സ്വ​ദേ​ശി​യാ​യ പ​നി​യ​ത്ത് രാ​ധാ​കൃ​ഷ്ണ​ൻ എ​ന്നി​വ​രാ​ണ് മ​രി​ച്ച​ത്. 25 പേ​ർ​ക്ക് പരിക്കേറ്റു. ബ്രഹ്മസ്വം മഠത്തിന് സമീപത്താണ് അപകടം നടന്നത്.

വെള്ളിയാഴ്ച രാ​ത്രി 12ഓ​ടെ തി​രു​വ​മ്പാ​ടി​യു​ടെ മ​ഠ​ത്തി​ൽ വ​ര​വി​നി​ടെ​യാ​ണ് ആ​ൽ​മ​രം ക​ട​പു​ഴ​കി​യ​ത്. പ​ഞ്ച​വാ​ദ്യം ന​ട​ക്കു​മ്പോ​ഴാ​ണ് അ​പ​ക​ടം. ബഹളത്തിനിടെ ആന ഭയപ്പെട്ടോടിയെങ്കിലും ഉടൻ തളയ്ക്കാനായി. പരിക്കേറ്റവരെ ന​ഗ​ര​ത്തി​ലെ വി​വി​ധ ആ​ശു​പ​ത്രി​ക​ളി​ലാ​യി പ്ര​വേ​ശി​പ്പി​ച്ചി​രി​ക്കു​ക​യാ​ണ്. എ​ട്ട് പേ​രെ മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി​യി​ട്ടു​ണ്ട്. 

ഒ​ന്ന​ര മ​ണി​ക്കൂ​ർ കൊണ്ട് ഫ​യ​ർ​ഫോ​ഴ്സ് ആ​ൽ​മ​രം മു​റി​ച്ച് മാ​റ്റി. പൂ​രം ഡ്യൂ​ട്ടി​യി​ലു​ണ്ടാ​യി​രു​ന്ന അ​ന്തി​ക്കാ​ട് സി​ഐ ഉ​ൾ​പ്പെ​ടെ ഏ​താ​നും പോ​ലീ​സു​കാ​ർ​ക്കും പ​രി​ക്കേ​റ്റി​ട്ടു​ണ്ട്.  ജി​ല്ലാ ക​ള​ക്ട​റും പോ​ലീ​സ് മേ​ധാ​വി​യും സ്ഥ​ല​ത്തെ​ത്തി. ആ​ൾ​ക്കൂ​ട്ടം കു​റ​വാ​യ​തി​നാ​ൽ വ​ലി​യ ദു​ര​ന്ത​മാ​ണ് ഒ​ഴി​വാ​യ​ത്.
 വീണ് അപകടം