ശുചിമുറിക്കായി നിർമിച്ച കുഴിയിലെ വെള്ളക്കെട്ടിൽ വീണു; കോഴിക്കോട് സഹോദരങ്ങൾ മുങ്ങി മരിച്ചു‌

കോഴിക്കോട്: താമരശേരി കോരങ്ങാട് സഹോദരങ്ങളായ രണ്ട് കുട്ടികൾ മുങ്ങി മരിച്ചു. ശുചിമുറിക്കുവേണ്ടി നിർമിച്ച കുഴിയിലെ വെള്ളക്കെട്ടിൽ വീണാണ് അപകടം. ഏഴ് വയസ്സുള്ള മുഹമ്മദ് ആഷിർ, 13കാരനായ മുഹമ്മദ് ആദി എന്നിവരാണ് മരിച്ചത്. 

കുട്ടികൾ ട്യൂഷന് പോകുന്ന വീടിന് സമീപത്ത് സെപ്റ്റിക് ടാങ്ക് നിർമ്മാണത്തിനായി കുഴിച്ച വെള്ളം കെട്ടി നിൽക്കുന്ന കുഴിയിലാണ് ഇരുവരും വീണത്. കുട്ടികൾ ടീച്ചറുടെ അടുത്ത് എത്താത്തതിനെ തുടർന്ന് നടത്തിയ തിരച്ചിലിലാണ് വെള്ളക്കെട്ടിൽ കുട്ടികളെ കണ്ടെത്തിയത്. കുഴിയുടെ കരയിൽ ചെരിപ്പും പുസ്തകവും കണ്ടതിനെ തുടർന്ന് കുഴിയിൽ തിരയുകയായിരുന്നു. ഇരുവരെയും ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

അബ്ദുൽ ജലീലിന്റെ മക്കളാണ് മരിച്ച കുട്ടികൾ. താമരശ്ശേരി ഹയർ സെക്കൻ്ററി സ്കൂൾ എട്ടാം ക്ലാസ് വിദ്യാർഥിയാണ് ആദി. ആഷിർ കോരങ്ങാട് എൽപി സ്കൂളിലെ രണ്ടാം ക്ലാസ് വിദ്യാർഥിയുമാണ്.  

ഈ വാര്‍ത്ത കൂടി വായിക്കൂ 

മഴ മുന്നറിയിപ്പ്: രണ്ട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ