സ്വാധീനമില്ലാത്ത കാലിൽ ചവിട്ടി, കളിയാക്കി; ഭിന്നശേഷിക്കാരന്റെ പരാതിയിൽ എസ്എഫ്ഐ പ്രവർത്തകർക്കെതിരെ കേസ്

തിരുവനന്തപുരം: ഭിന്നശേഷിക്കാരനായ വിദ്യാർഥിയെ മർദിച്ചതിന് യൂണിവേഴ്സിറ്റി കോളജിലെ എസ്എഫ്ഐ യൂണിറ്റ് ഭാരവഹികള്‍ ഉൾപ്പെടെ നാലു പേർക്കെതിരെ കേസെടുത്തു. അമൽചന്ദ്, മിഥുൻ, വിധു ഉദയൻ, അലൻ എന്നിവർക്കെതിരെയാണ് കൻ്റോൺമെൻ്റ് പൊലീസ് കേസെടുത്തത്. രണ്ടാം വർഷ ഇസ്ലാമിക ഹിസ്റ്ററി വിദ്യാർഥി മുഹമ്മദ് അനസിന്റെ പരാതിയിലാണ് കേസെടുത്തത്.

പാർട്ടി പരിപാടിയുടെ ഭാഗമായി തന്നോട് കൊടിയും തോരണങ്ങളും മറ്റും കെട്ടാൻ എസ്എഫ്ഐ പ്രവർത്തകർ കഴിഞ്ഞ ദിവസം ആവശ്യപ്പെട്ടിരുന്നു. എന്നാൽ തനിക്ക് കാലിന് സ്വാധീന കുറവുണ്ടെന്ന് പറഞ്ഞതിന് പിന്നാലെ യൂണിറ്റ് പ്രസിഡൻ്റായ അമൽചന്ദ് മർദിക്കുകയായിരിന്നുവെന്നും മുഹമ്മദ് അനസ് പരാതിയിൽ പറഞ്ഞു.

പത്ത് ലക്ഷം രൂപ സ്ത്രീധനം വാങ്ങി, പരസ്ത്രീബന്ധം ചോദ്യം ചെയ്തപ്പോൾ മർദനം; ഭാര്യയുടെ പരാതിയിൽ ബിപിന്‍ സി ബാബുവിനെതിരെ കേസ്

വൈകല്യമുള്ള കാലിൽ ഷൂ വച്ചു ചവിട്ടുകയും കളിയാക്കുകയും അസഭ്യം പറയുകയും ചെയ്തു. ചോദിച്ചെത്തിയ സുഹൃത്തിനെയും ഇവർ മർദിച്ചുവെന്നും വിദ്യാര്‍ഥി പറഞ്ഞു.