തിരുവനന്തപുരം: സെപ്റ്റംബർ മാസത്തിലെ ജീവനക്കാരുടെ ശമ്പളം പൂർണമായി വിതരണം ചെയ്ത് കെഎസ്ആർടിസി. മാസങ്ങൾക്ക് ശേഷം ഇത് ആദ്യമായാണ് അഞ്ചാം തിയതിക്ക് മുൻപ് ശമ്പളം വിതരണം പൂർത്തിയാവുന്നത്. സിം​ഗിൾ ഡ്യൂട്ടിയോട് സഹകരിച്ചാൽ അഞ്ചാം തിയതിക്ക് മുൻപായി ശമ്പളം നൽകുമെന്ന് മുഖ്യമന്ത്രിയും ഉറപ്പ് നൽകിയിരുന്നു.

സർക്കാർ നൽകിയ 50 കോടി രൂപയും കെഎസ്ആർടിസിയുടെ വരുമാനത്തിൽ നിന്ന് 30 കോടി രൂപയുമെടുത്താണ് ശമ്പളം നൽകിയത്. മാസങ്ങൾക്ക് ശേഷമാണ് അഞ്ചാം തീയതിക്ക് മുൻപായി കെഎസ്ആർടിസിയിൽ ശമ്പള വിതരണം പൂർത്തിയാക്കുന്നത്.  ജൂലൈ, ഓഗസ്റ്റ് മാസത്തെ ശമ്പളം നൽകാനായി കഴിഞ്ഞ മാസം സർക്കാർ 100 കോടി രൂപ നൽകിയിരുന്നു.

പരീക്ഷണാടിസ്ഥാനത്തിൽ ഒക്ടോബർ ഒന്ന് മുതൽ പാറശാല ഡിപ്പോയിൽ സിംഗിൾ ഡ്യൂട്ടി സമ്പ്രദായം കൊണ്ടുവന്നതിന് പിന്നാലെയാണ് ശമ്പള വിതരണവും കൃത്യമായത്. ഏട്ട് ഡിപ്പോകളിൽ സിം​ഗിൾ ‍ഡ്യൂട്ടി നടപ്പിലാക്കാൻ തീരുമാനമെടുത്തിരുന്നെങ്കിലും ഷെഡ്യൂളുകളിലെ അപാകതകൾ യൂണിയനുകൾ ചൂണ്ടിക്കാട്ടിയതോടെയാണ് തീരുമാനം മാറ്റിയത്. 

ഈ വാര്‍ത്ത കൂടി വായിക്കൂ 

ആലപ്പുഴയില്‍ ഇറങ്ങുന്നതിനിടെ ട്രെയിനിനും പാളത്തിനും ഇടയില്‍ വീണു; യുവതിക്ക് പരിക്ക്

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ