പ്രചാരണത്തിനായി ഹെലികോപ്റ്റർ, ചെലവിലേക്ക് ഒരു കോടി; എങ്ങനെയും ജയിപ്പിച്ച് എംഎൽഎ ആക്കുമെന്നാണ് പറഞ്ഞത്: പ്രി​യ​ങ്ക 

കൊല്ലം: നി​യ​മ​സ​ഭ തെ​ര​ഞ്ഞെ​ടു​പ്പി​ൽ മ​ത്സ​രി​ച്ചത് മാനസികമായി ബുദ്ധിമുട്ടുണ്ടാക്കിയെന്നും സ്ഥാ​നാ​ർ​ഥി​ത്വം പി​ൻ​വ​ലി​ക്കു​ന്ന​തി​നെ​ക്കു​റി​ച്ച് ആ​ലോ​ചി​ച്ചി​രു​ന്നു​വെ​ന്നും അ​രൂ​രി​ലെ ഡിഎ​സ്​ജെപി സ്ഥാ​നാ​ർ​ഥി​യാ​യിരുന്ന നടി പ്രി​യ​ങ്ക അനൂപ്. സ്ഥാ​നാ​ർ​ഥി​യാ​കാ​ൻ ആ​വ​ശ്യ​പ്പെ​ട്ടപ്പോൾ പ​റ​ഞ്ഞി​രു​ന്ന വാ​ഗ്ദാ​ന​ങ്ങ​ൾ ഒ​ന്നും പാലിക്കപ്പെട്ടില്ലെന്നും പ്രിയങ്ക പറഞ്ഞു. 

പ്രചാരണത്തിനായി ഹെലികോപ്റ്റർ, ചെലവിനായി ഒരു കോടിയിലേറെ രൂപ, എങ്ങനെയും വിജയിപ്പിച്ച് എംഎൽഎ ആക്കും തുടങ്ങിയ വാഗ്ദാനങ്ങളാണ് നൽകിയത്. വിവാദ ദല്ലാൾ നന്ദകുമാറാണ് മത്സരിക്കാൻ പ്രേരിപ്പിച്ചതെന്നും പ്രിയങ്ക പറഞ്ഞു. 

കു​ണ്ട​റ​യി​ലെ ഡിഎ​സ്ജെപി സ്ഥാ​നാ​ർ​ഥി​യാ​യി​രു​ന്ന ഷി​ജു എം. ​വ​ർ​ഗീ​സിന്റെ വാ​ഹ​ന​ത്തി​ന് നേ​രേ ബോം​ബേ​റ് നാ​ട​കം ന​ട​ത്തി​യ കേ​സി​ൽ ചോദ്യം ചെയ്യലിന് ഹാജരായതാണ് പ്രിയങ്ക. ബോം​ബേ​റ് നാ​ട​ക​ത്തി​ലെ ഗൂ​ഢാ​ലോ​ച​ന​യി​ൽ പ​ങ്കു​ണ്ടോ എ​ന്ന​റി​യാനാണ് പ്രി​യ​ങ്ക​യെ​ പൊ​ലീ​സ് ചോ​ദ്യം ചെ​യ്ത​ത്. നി​യ​മ​സ​ഭ തെ​ര​ഞ്ഞെ​ടു​പ്പ് ദി​വ​സം പു​ല​ർ​ച്ച​യാ​ണ് ഷി​ജുവിന്റെ കാ​റി​ന് നേ​രേ പെ​ട്രോ​ൾ ബോം​ബെ​റി​ഞ്ഞ​ത്. സം​ഭ​വം നാ​ട​ക​മാ​ണെ​ന്ന് മ​ന​സ്സി​ലാ​ക്കി​യതിനെത്തുടർന്ന് ന​ട​ത്തി​യ അ​ന്വേ​ഷ​ണ​ത്തി​ൽ ഷി​ജു വ​ർ​ഗീ​സ് ഉ​ൾ​പ്പ​ടെ നാ​ലു​പേ​ർ അ​റ​സ്​​റ്റി​ലാ​യി​. 

വെ​ണ്ണ​ല​യി​ലെ തന്റെ വീ​ടി​ന​ടു​ത്തു​ള്ള മ​ഹാ​ദേ​വ ക്ഷേ​ത്ര ഭാ​ര​വാ​ഹി​യാ​യ ന​ന്ദ​കു​മാ​റി​നെ ക്ഷേ​ത്ര​ത്തി​ൽ വെ​ച്ചു ക​ണ്ടു​ള്ള പ​രി​ചയമാണുള്ളതെന്ന് പ്രിയങ്ക പറഞ്ഞു. ഷി​ജു എം. ​വ​ർ​ഗീ​സു​മാ​യി യാ​തൊ​രു ബ​ന്ധ​വു​മി​ല്ലെ​ന്നും ചി​ല ക​മ്മി​റ്റി​ക​ളി​ൽ ക​ണ്ടി​ട്ടുണ്ടെന്നും നടി പൊലീസിനോട് പറഞ്ഞു.