മോ​ഫി​യയുടെ വീ​ട് ഇന്ന് ഗ​വ​ർ​ണ​ർ സ​ന്ദ​ർ​ശി​ക്കും 

കൊ​ച്ചി: സ്ത്രീധന പീ​ഡ​ന​ത്തെ​ത്തു​ട​ർ​ന്ന് ആത്മഹത്യ ചെയ്ത നിയമവിദ്യാർത്ഥി മോഫിയ പർവീണിന്റെ വീ​ട് ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ സ​ന്ദ​ർ​ശി​ക്കും. ഇന്ന് ഉ​ച്ച​ക്ക് ആ​ലു​വ​യിലെ വീട്ടിൽ എത്തി മോഫിയയുടെ മാതാപിതാക്കളെ അദ്ദേഹം കാണും. 

അ​തേ​സ​മ​യം മോ​ഫി​യയുടെ മരണത്തില്‍ ആരോപണ വിധേയനായ സിഐ സി എല്‍ സുധീറിനെതിരെ പൊ​ലീ​സ് എ​ഫ്‌​ഐആ​ര്‍ രജിസ്റ്റർ ചെയ്തു. സു​ധീ​റി​ന്‍റെ മോ​ശം പെ​രു​മാ​റ്റ​മാ​ണ് മോ​ഫി​യ​യെ ജീ​വ​നൊ​ടു​ക്കാ​ന്‍ പ്രേ​രി​പ്പി​ച്ച​തെ​ന്നാണ് റിപ്പോർട്ടിൽ പരാമർശിച്ചിരിക്കുന്നത്. പരാതി പരിഹരിക്കാൻ സ്റ്റേഷനിലേക്ക് നിളിച്ചുവരുത്തിയ സി ഐ മോഫിയയോട് കയർത്തു സംസാരിച്ചെന്നും സിഐയിൽ നിന്ന് ഒരിക്കലും നീതി കിട്ടില്ലെന്ന മനോവിഷമം ആത്മഹത്യയിലേക്ക് നയിച്ചുവെന്നുമാണ് എഫ്‌ഐആറിൽ പറയുന്നത്.