ച്യവനപ്രാശം, രസായനം; കുറിയറായി ഹാഷിഷ് ഓയില്‍ കടത്തി; കാസര്‍കോട് സ്വദേശി അറസ്റ്റില്‍
ഹാഷിഷ് ഓയില്‍ കുറിയറിലാക്കി വിദേശത്തേക്ക് കടത്താന്‍ ശ്രമിച്ച കേസില്‍ കാസര്‍കോട് സ്വദേശി അറസ്റ്റില്‍
കുറിയറായി കടത്താന്‍ ശ്രമിച്ച ഹാഷിഷ് ഓയില്‍
Last Updated :20 January 2024, 8:49 am IST
Edited by :migrator
കൊച്ചി: ഹാഷിഷ് ഓയില്‍ കുറിയറിലാക്കി വിദേശത്തേക്ക് കടത്താന്‍ ശ്രമിച്ച കേസില്‍ കാസര്‍കോട് സ്വദേശി അറസ്റ്റില്‍. കൊച്ചിയില്‍നിന്ന് മൂന്നരക്കിലോ ഹാഷിഷ് ഓയില്‍ ബെഹ്‌റൈനിലേക്ക് കടത്താന്‍ ശ്രമിച്ച കേസിലാണ് അറസ്റ്റ്. ഇയാളുടെ കൂട്ടാളിയെ കഴിഞ്ഞ വെള്ളിയാഴ്ച ബെംഗളൂരുവില്‍നിന്നു പിടികൂടിയിരുന്നു.
കഴിഞ്ഞ മാസം പന്ത്രണ്ടിനാണ് കൊച്ചിയില്‍നിന്ന് കുറിയര്‍ ചെയ്യാന്‍ ശ്രമിച്ച ഹാഷിഷ് ഓയില്‍ നര്‍ക്കോട്ടിക് കണ്‍ട്രോള്‍ ബ്യൂറോ പിടികൂടിയത്. ച്യവനപ്രാശം, രസായനം എന്നിവയാണെന്ന വ്യാജേനയാണ് മൂന്നരക്കിലോ ഹാഷിഷ് ഓയില്‍ കടത്താന്‍ ശ്രമിച്ചത്. കുറിയര്‍ കമ്പനിയില്‍ നല്‍കിയിരുന്ന വിലാസം കേന്ദ്രീകരിച്ച് നടത്തിയ അന്വേഷണത്തിലാണ് രണ്ടു പ്രതികള്‍ പിടിയിലായത്.
കഴിഞ്ഞ വെള്ളിയാഴ്ച ബെംഗളൂരുവില്‍നിന്ന് ഒരാള്‍ പിടിയിലായി. ഇയാളില്‍നിന്ന് ലഭിച്ച വിവരത്തിന്റെ അടിസ്ഥാനത്തിലാണ് കാസര്‍കോടുകാരനെ അറസ്റ്റ് ചെയ്തത്. കുറിയര്‍വഴി അനധികൃതമായി ഓസ്‌ട്രേലിയലിലേക്ക് കടത്താന്‍ ശ്രമിച്ച സ്യൂഡോ എഫ്രിഡിന്‍ എന്ന മരുന്ന് ഒരാഴ്ചമുന്‍പ് കൊച്ചിയില്‍ പിടികൂടിയിരുന്നു.
കായികതാരങ്ങള്‍ ഉത്തേജക മരുന്നായി ഉപയോഗിക്കുന്നതാണ് സ്യൂഡോ എഫ്രിഡിന്‍. 11.5 കിലോ സ്യൂഡോ എഫ്രിഡിന്‍ കുക്കറുകളുടെ പാളികള്‍ക്കിടയില്‍ ഒളിപ്പിച്ചാണ് കടത്താന്‍ ശ്രമിച്ചത്. രണ്ടു കേസുകളിലെയും കൂടുതല്‍ പ്രതികളെ കണ്ടെത്താനുള്ള ശ്രമം തുടരുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
കെഎസ്ആര്‍ടിസിക്ക് വീണ്ടും ബസ്; ഇത്തവണ എംഎല്‍എ ഫണ്ടിലൂടെ; തുടക്കമിട്ട് പ്രവീണ്‍ കുമാര്‍
വിദേശത്ത് പോകാന്‍ പ്ലാന്‍ ഉണ്ടോ?, സൗജന്യ ട്രാവല്‍ സിംകാര്‍ഡുമായി എയര്‍ഇന്ത്യ; 30 രാജ്യങ്ങള്‍ പരിധിയില്‍
Jantar Mantar Protest: മോഎറ്റ്സ് റെസ്റ്റോറൻറിന് മുന്നിൽ സുരക്ഷ ശക്തമാക്കി
ചക്രവാതച്ചുഴി: മുന്നറിയിപ്പില്‍ മാറ്റം, ഇന്ന് ഏഴു ജില്ലകളില്‍ യെല്ലോ അലര്‍ട്ട്
