സിപിഎം വിട്ട വാണം ചീറ്റിപ്പോയി; എടുത്തു ചാടി ഷൈന്‍ ചെയ്യാന്‍ നോക്കരുതെന്ന് ആദ്യമേ പറഞ്ഞു: കെ മുരളീധരന്‍

കോഴിക്കോട്: ഏക സിവില്‍ കോഡിന് എതിരെ സിപിഎം സംഘടിപ്പിച്ച സെമിനാര്‍ ചീറ്റിപ്പോയ വാണം ആണെന്ന് കെ മുരളീധരന്‍ എംപി. എടുത്തുചാടി ഷൈന്‍ ചെയ്യാന്‍ ശ്രമിച്ചതിന് വിപരീത ഫലമുണ്ടായി. വിളിച്ച മത-സാമുദിയായിക നേതാക്കള്‍ക്ക് പകരം വന്നത് പ്രതിനിധികളാണ്. സെമിനാര്‍ ചീറ്റിപ്പോയതിന് കോണ്‍ഗ്രസിനെ കുറ്റം പറഞ്ഞിട്ട് കാര്യമില്ലെന്നും അദ്ദേഹം പറഞ്ഞു. 

'സിപിഎം അന്തരീക്ഷത്തിലേക്ക് വിട്ട വാണം ചീറ്റിപ്പോയി. അതിന് കോണ്‍ഗ്രസിനെ കുറ്റം പറഞ്ഞിട്ട് കാര്യമില്ല. ഇടതുപക്ഷത്തിലെ പല ഘടകകക്ഷികളും, എല്‍ഡിഎഫ് കണ്‍വീനര്‍ ഉള്‍പ്പെടെ ആ ചടങ്ങില്‍ നിന്ന് വിട്ടുനിന്നു. എടുത്തുചാടി ഷൈന്‍ ചെയ്യാന്‍ നോക്കേണ്ടയെന്ന് ഞങ്ങള്‍ ആദ്യമേ പറഞ്ഞതാണ്. വോട്ട് ബാങ്ക് കണക്കാക്കി ചെയ്ത ഏര്‍പ്പാടാണ്. പക്ഷേ അത് വിപരീതഫലമുണ്ടാക്കി. സിപിഎമ്മിന് ന്യൂനപക്ഷങ്ങളുടെ സംരക്ഷണമല്ല ലക്ഷ്യം, പത്തു വോട്ട് കിട്ടാനാണെന്നും അദ്ദേഹം പറഞ്ഞു. 

ഈ വാര്‍ത്ത കൂടി വായിക്കൂ മുഖ്യമന്ത്രിയെ കണ്ട് ഇപി; മുന്നണി കാര്യങ്ങളില്‍ സജീവമാകണമെന്ന് നിര്‍ദേശം, എല്‍ഡിഎഫ് യോഗത്തില്‍ പങ്കെടുക്കും 

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ