പുള്ളിപ്പുലിയുടെ പുള്ളി മായില്ല, അതു പോലെയാണ് ബിജെപി; കാനം രാജേന്ദ്രൻ

തിരുവനന്തപുരം: ക്രൈസ്തവ സഭാധ്യക്ഷൻമാർക്ക് പ്രധാനമന്ത്രിയെ കാണാൻ അവകാശമുണ്ടെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. തിങ്കളാഴ്ച കൊച്ചിയിലെത്തുന്ന പ്രധാനമന്ത്രി ക്രൈസ്തവ മതമേലധ്യക്ഷന്മാരുമായി കൂടിക്കാഴ്ച നടത്തുന്നതിൽ പ്രതികരിക്കുകയായിരുന്നു കാനം.

‘ക്രൈസ്തവ സഭാധ്യക്ഷൻമാർക്ക് പ്രധാനമന്ത്രിയെ കാണാൻ അവകാശമുണ്ട്. അതിനെയൊന്നും നമ്മൾ ചോദ്യം ചെയ്യേണ്ട കാര്യമില്ല. എന്നാൽ പുള്ളിപ്പുലിയുടെ പുള്ളി മായില്ല എന്നു പറഞ്ഞതുപോലെയാണ് ബിജെപിയുടെ രാഷ്ട്രീയം. ആരെയൊക്കെ കണ്ടാലും ഹിന്ദുത്വ രാഷ്ട്രീയം തുടരും. ഇക്കാര്യം സഭാധ്യക്ഷൻമാർക്കും നാട്ടുകാർക്കും അറിയാം.’– കാനം രാജേന്ദ്രൻ തിരുവനന്തപുരത്ത് പറഞ്ഞു.

തിങ്കളാഴ്ച വൈകിട്ട് 7ന് കൊച്ചിയിലാണ് ക്രൈസ്തവ സഭാധ്യക്ഷന്മാരുമായുള്ള പ്രധാനമന്ത്രിയുടെ കൂടിക്കാഴ്ച നിശ്ചയിച്ചിട്ടുള്ളത്. എട്ടു പേർക്കാണ് പ്രധാനമന്ത്രിയുമായുള്ള കൂടിക്കാഴ്ചയിലേക്ക് ക്ഷണം.

ഈ വാർത്ത കൂടി വായിക്കൂ വയനാട്ടിൽ കാർ പോസ്റ്റിൽ ഇടിച്ച് താഴ്ചയിലേക്ക് മറിഞ്ഞു; മൂന്നു മരണം, മൂന്നുപേർ ​ഗുരുതരാവസ്ഥയിൽ 

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ