യാത്രക്കാര്‍ക്ക് ആശ്വാസം; കായംകുളം- എറണാകുളം പാസഞ്ചര്‍ സര്‍വീസ് പുനരാരംഭിക്കുന്നു

ആലപ്പുഴ: കോവിഡിനെ തുടര്‍ന്ന് ദീര്‍ഘനാളായി നിര്‍ത്തിവെച്ചിരുന്ന കായംകുളം- എറണാകുളം പാസഞ്ചര്‍ സര്‍വീസ് പുനരാരംഭിക്കുന്നു. രാവിലെ 8.40ന് കായംകുളത്തു നിന്നും എറണാകുളത്തേക്കും (56380),  വൈകിട്ട് ആറിന് എറണാകുളത്തുനിന്നും കായംകുളത്തേയ്ക്കുമുള്ള (56383) സര്‍വീസുകളാണ് വീണ്ടും തുടങ്ങുന്നത്. 

പാസഞ്ചര്‍ ട്രെയിനുകള്‍ ഈ ആഴ്ച തന്നെ പുനരാരംഭിക്കുവാനാണ് റെയില്‍വെ ബോര്‍ഡിന്റെ തീരുമാനം. എ എം ആരിഫ് എം പി ദക്ഷിണ റയില്‍വെ ജനറല്‍ മാനേജര്‍ ബി ജി മില്യയുമായി നടത്തിയ ചര്‍ച്ചയെ തുടര്‍ന്നാണ് അനുകൂല തീരുമാനമുണ്ടായത്. 

മറ്റു പാസഞ്ചര്‍ ട്രെയിനുകളും ഉടന്‍ പുനരാരംഭിക്കുമെന്ന് ഉറപ്പു ലഭിച്ചതായി ആരിഫ് അറിയിച്ചു. എറണാകുളം- കായംകുളം, കൊല്ലം -തിരുവനന്തപുരം, കോട്ടയം-എറണാകുളം തുടങ്ങിയ പാസഞ്ചര്‍ സര്‍വീസുകള്‍ പുനരാരംഭിക്കണമെന്ന് ആവശ്യപ്പെട്ട് യാത്രക്കാരുടെ കൂട്ടായ്മയുടെ നേതൃത്വത്തില്‍ വന്‍ പ്രതിഷേധമാണ് നടന്നിരുന്നത്.

ഈ വാര്‍ത്ത കൂടി വായിക്കൂ

'എന്തെങ്കിലും സംഭവിച്ചാല്‍ ഉത്തരവാദി സുബൈര്‍'; സഞ്ജിത്തിനെ കൊന്നതിന്റെ പക, രണ്ടുതവണ വധിക്കാന്‍ ശ്രമിച്ചു; മൂന്നുപേര്‍ അറസ്റ്റില്‍

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ