കൊച്ചി മെട്രോയുടെ സമയക്രമത്തിൽ നാളെമുതൽ മാറ്റം; രാവിലെ ആറ് മുതൽ വൈകിട്ട് പത്ത് മണി വരെ സർവീസ്

കൊച്ചി: കൊച്ചി മെട്രോയുടെ സമയക്രമം വീണ്ടും രാവിലെ ആറ് മണി മുതൽ രാത്രി 10 മണി വരെയാക്കി. നാളെ മുതൽ ആറ് മണിക്ക് മെട്രോ ഓടിത്തുടങ്ങുമെന്ന് കെഎംആർഎൽ അറിയിച്ചു. ലോക്ക്ഡൗൺ പ്രഖ്യാപിച്ചതിനെ തുടർന്ന് കേന്ദ്രം പുറപ്പെടുവിച്ച മാർഗ്ഗനിർദേശത്തിൻ്റെ അടിസ്ഥാനത്തിൽ മെട്രോയുടെ സമയം രാവിലെ 7 മുതൽ രാത്രി 9 മണി വരെയാക്കിയിരുന്നു.

നാളെ രാവിലെ ആറുമണിക്ക് പേട്ടയിൽ നിന്നും ആലുവയിൽ നിന്നും മെട്രോയുടെ ആദ്യ സർവീസ് ആരംഭിക്കും. രാത്രി 10 മണിക്ക് ഇവിടങ്ങളിൽ നിന്ന് അവസാന സർവീസ് ഉണ്ടാകും.