എറണാകുളത്ത് നിയന്ത്രണങ്ങള്‍ കാറ്റില്‍പ്പറത്തി ജനം; പതിനയ്യായിരത്തിലധികം പേര്‍ക്ക് താക്കീത്; 154 പേര്‍ അറസ്റ്റില്‍; വാഹനങ്ങള്‍ പിടിച്ചെടുത്തു

കൊച്ചി: കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ഏര്‍പ്പെടുത്തിയ ലോക്ഡൗണ്‍ ലംഘനത്തിനെതിരെ എറണാകുളം ജില്ലയില്‍ ആദ്യദിനം 411 കേസുകള്‍ രജിസ്റ്റര്‍ ചെയ്തു. 154 പേരെ അറസ്റ്റ് ചെയ്തു. 33 വാഹനങ്ങള്‍ പിടിച്ചെടുത്തു. ക്വാറന്റൈന്‍ ലംഘിച്ചതിന് 14 കേസുകളും രജിസ്റ്റര്‍ ചെയ്തു. മാസ്‌ക് ധരിക്കാത്തതിന് 3190 പേര്‍ക്കെതിരെയും സാമൂഹിക അകലം പാലിക്കാത്തതിന് 3209 പേര്‍ക്കെതിരെയും കേസെടുത്തു. പതിനയ്യായിരത്തില്‍ അധികം ആളുകളെ താക്കീത് നല്കി വിട്ടയച്ചു. 

ജില്ലയില്‍ ലോക്‌ഡോണ്‍ ലംഘനങ്ങളുടെ പേരില്‍ ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്തത് റൂറല്‍ ഏരിയയിലാണ്. 275 കേസുകള്‍ രജിസ്റ്റര്‍ ചെയ്യുകയും 66 പേരെ അറസ്റ്റ് ചെയ്യുകയും ചെയ്തു.