ഹാഷിഷ് ഓയിലുമായി മദ്രസ അധ്യാപകനും സുഹൃത്തും പിടിയിൽ

തൃശൂർ; ഹാഷിഷ് ഓയിലുമായി മദ്രസ അധ്യാപകനും സുഹൃത്തും പൊലീസിന്‍റെ പിടിയിലായി. അഴീക്കോട് പേ ബസാർ ഹിദായത്തുൽ ഇസ്ലാം മദ്രസ അധ്യാപകനായ എറിയാട് സ്വദേശി  ഫൈസനും സുഹൃത്ത്  ശ്രീജിത്തുമാണ്  പിടിയിലായത്. കൊടുങ്ങല്ലൂര്‍ അഴീക്കോട് ബീച്ചില്‍ നിന്നുമാണ് ഇവരെ കസ്റ്റഡിയിലെടുത്തത്. 

കൊടുങ്ങല്ലൂർ ഡിവൈഎസ്പി സലീഷ് എൻശങ്കരൻ്റെ നേതൃത്വത്തിലുള്ള സ്ക്വാഡും, തൃശൂർ റൂറൽ ഡാൻസാഫ് ടീമും ചേർന്നാണ് പ്രതികളെ  പിടികൂടിയത്. ഓണക്കാലത്തിന് മുമ്പായി ജില്ലാ പൊലീസ് മേധാവി ഐശ്വര്യ ഡോംഗ്രേയുടെ നിർദ്ദേശ പ്രകാരം നടത്തിയ പരിശോധനയിലാണ് ഇരുവരും പിടിയിലായത്. രണ്ട് പേരും ലഹരി ഉപയോഗിക്കുന്നവരാണെന്ന് പൊലീസ് പറഞ്ഞു. വരും ദിവസങ്ങളിലും പരിശോധന തുടരുമെന്നും പൊലീസ് അറിയിച്ചു.

ഈ വാര്‍ത്ത കൂടി വായിക്കൂ

ചെന്നൈ എക്സ്പ്രസ് പൊലീസും ആര്‍പിഎഫും അരിച്ചുപെറുക്കി, ആദം അലിയെ കണ്ടെത്തിയത് ജനറൽ കമ്പാർട്ട്മെന്റിൽ നിന്ന്

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ