'സേവനം ചെയ്യുമ്പോഴാണ് മനുഷ്യജന്മം പൂര്‍ണമാകുന്നത്'; മാതാ അമൃതാനന്ദമയിക്ക് 'ജനനി അവാര്‍ഡ്' സമ്മാനിച്ചു
'മറ്റുള്ളവര്‍ക്കായി സേവനം ചെയ്യുമ്പോഴാണ് മനുഷ്യജന്മം പൂര്‍ണമാകുന്നത്' എന്ന അമ്മയുടെ സന്ദേശം മുന്‍ രാഷ്ട്രപതി ഡോ. എ പി ജെ അബ്ദുല്‍ കലാമിന്റെ ജീവിതദര്‍ശനത്തോടും മൂല്യങ്ങളോടും ചേര്‍ന്നുനില്‍ക്കുന്നതാണെന്ന് ചടങ്ങില്‍ സംസാരിച്ച ഗവര്‍ണര്‍ രാജേന്ദ്ര വിശ്വനാഥ് ആര്‍ലേക്കര്‍ പറഞ്ഞു.
Mata Amritanandamayi receives Janani AwardThe New Indian Express
Edited by :ആതിര അഗസ്റ്റിന്‍
Last Updated :24 ജൂലൈ 2026, 9:44 am IST
കൊല്ലം: മുന്‍ രാഷ്ട്രപതി ഡോ. എപിജെ അബ്ദുല്‍ കലാമിന്റെ പതിനൊന്നാം ചരമ വാര്‍ഷിക ആചരണത്തിന്റെ ഭാഗമായി ഡോ. എ.പി.ജെ. അബ്ദുല്‍ കലാം ഇന്റര്‍നാഷനല്‍ ഫൗണ്ടേഷന്‍ ഏര്‍പ്പെടുത്തിയ 'ജനനി അവാര്‍ഡ്' 2026 മാതാ അമൃതാനന്ദമയിക്ക് സമ്മാനിച്ചു. അമൃതപുരി ആശ്രമത്തില്‍ നടന്ന ചടങ്ങില്‍ ഗവര്‍ണര്‍ രാജേന്ദ്ര വിശ്വനാഥ് ആര്‍ലേക്കര്‍ പുരസ്‌കാരം സമര്‍പ്പിച്ചു. മാനവിക-സാമൂഹ്യ സേവനങ്ങള്‍, സമൂഹ പരിവര്‍ത്തനം, സ്ത്രീശാക്തീകരണം എന്നീ മേഖലകളില്‍ മാതാ അമൃതാനന്ദമയി നല്‍കിയ സമഗ്ര സംഭാവനകള്‍ പരിഗണിച്ചാണ് പുരസ്‌കാരം.
'മറ്റുള്ളവര്‍ക്കായി സേവനം ചെയ്യുമ്പോഴാണ് മനുഷ്യജന്മം പൂര്‍ണമാകുന്നത്' എന്ന അമ്മയുടെ സന്ദേശം മുന്‍ രാഷ്ട്രപതി ഡോ. എ പി ജെ അബ്ദുല്‍ കലാമിന്റെ ജീവിതദര്‍ശനത്തോടും മൂല്യങ്ങളോടും ചേര്‍ന്നുനില്‍ക്കുന്നതാണെന്ന് ചടങ്ങില്‍ സംസാരിച്ച ഗവര്‍ണര്‍ രാജേന്ദ്ര വിശ്വനാഥ് ആര്‍ലേക്കര്‍ പറഞ്ഞു. രാജ്യത്തെ ശാസ്ത്ര രംഗത്ത് ഉന്നതിയിലെത്തിക്കുകയെന്ന ഏക ലക്ഷ്യത്തോടെ പ്രവര്‍ത്തിച്ച മഹത്തായ വ്യക്തിത്വമായിരുന്നു ഡോ. എ.പി.ജെ. അബ്ദുല്‍ കലാമെന്ന് മാതാ അമൃതാനന്ദമയി പറഞ്ഞു.
ഡോ. എ.പി.ജെ. അബ്ദുല്‍ കലാമിന്റെ ദര്‍ശനവും മൂല്യങ്ങളും ആസ്പദമാക്കി എഐ സാങ്കേതികവിദ്യയുടെ സഹായത്തോടെ ഒരുക്കുന്ന 'Kalam's Angel' എന്ന പ്രചോദനാത്മക ചിത്രത്തിന്റെ ഔദ്യോഗിക പോസ്റ്റര്‍ പ്രകാശനവും രാജ്യവ്യാപക വനിതാ ശാക്തീകരണ പ്രസ്ഥാനമായ 'ജനനി 2026' ന്റെ ഔദ്യോഗിക ഉദ്ഘാടനവും ഗവര്‍ണര്‍ നിര്‍വഹിച്ചു. എ.പി.ജെ. അബ്ദുല്‍ കലാം ഇന്റര്‍നാഷനല്‍ ഫൗണ്ടേഷന്‍ ചെയര്‍പഴ്‌സന്‍ ഡോ. എ.പി.ജെ.എം. നസീമ മരക്കാര്‍, എക്‌സിക്യൂട്ടീവ് ചെയര്‍മാന്‍ ഡോ. ജെറി മാത്യു, ഓര്‍ഗനൈസിങ് സെക്രട്ടറി ഓളീവിയ സൈറ റൈജു എന്നിവര്‍ ചടങ്ങില്‍ പ്രസംഗിച്ചു.
News Now
മുഖ്യമന്ത്രിക്കെതിരെ പരാതിയുമായി അടൂര്‍ പ്രകാശ് ഹൈക്കമാന്‍ഡിന് മുന്നില്‍; ഖാര്‍ഗെയുമായി കൂടിക്കാഴ്ച നടത്തി
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
ഉറക്കം മുതൽ ഹൃദയാരോഗ്യം വരെ; ഗുണങ്ങൾ ഏറെയുള്ള 3 ഹെർബൽ ടീകൾ
Summary
Mata Amritanandamayi receives Janani Award
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
