തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തല മുത്തച്ഛനായി. മകന്‍ ഡോ. രോഹിത്തിനും മരുമകള്‍ ഡോ. ശ്രീജയ്ക്കും ആണ്‍കുഞ്ഞ് പിറന്നു. രാഷ്ട്രീയ തിരക്കുകള്‍ക്കിടെ വ്യക്തിപരമായ ഒരു സന്തോഷം എന്ന കുറിപ്പോടെ രമേശ് ചെന്നിത്തല തന്നെയാണ് കുടുംബത്തിലെ പുതിയ അംഗത്തെ പരിചയപ്പെടുത്തിയത്.

'വ്യക്തിപരമായി ഒരു സന്തോഷവാര്‍ത്ത. ഞങ്ങളുടെ കുടുംബത്തില്‍ ഒരു പുതിയ അംഗം എത്തി. മകന്‍ ഡോ. രോഹിത്തിന്റെയും ഡോ. ശ്രീജയുടെയും മകനാണ് പുതിയ അംഗം. അമ്മയും കുഞ്ഞും സുഖമായിരിക്കുന്നു.ഞാനും അനിതയും അപ്പൂപ്പനും അമ്മൂമ്മയുമായ വിവരം സ്‌നേഹപൂര്‍വ്വം അറിയിക്കുന്നു.'- ചെന്നിത്തല ഫെയ്‌സ്ബുക്കില്‍ കുറിച്ചു.