നൗഷാദിന്റെ തിരോധാനം: പൊലീസ് നടപടികളിൽ വകുപ്പുതല അന്വേഷണത്തിന് ഉത്തരവ്

പത്തനംതിട്ട: പത്തനംതിട്ട കലഞ്ഞൂർ സ്വദേശി നൗഷാദിനെ കാണാതായ സംഭവത്തിൽ പൊലീസ് നടപടികളിൽ വകുപ്പുതല അന്വേഷണത്തിന് ഉത്തരവ്. പൊലീസ് മർദ്ദിച്ച് കൊലക്കുറ്റം ചുമത്താൻ ശ്രമിച്ചെന്ന നൗഷാദിന്റെ ഭാര്യ അഫ്സാനയുടെ ആരോപണത്തെക്കുറിച്ച് അന്വേഷിക്കാൻ ജില്ലാ അഡീഷണൽ എസ്പിയാണ് ഉത്തരവിറക്കിയത്. ഭർത്താവിനെ കൊന്ന് കുഴിച്ചുമൂടിയെന്ന് തന്നെക്കൊണ്ട് പൊലീസ് തല്ലി പറയിപ്പിച്ചു എന്നാണ് അഫ്സാനയുടെ ആരോപണം. 

കൂടൽ പൊലീസിനും ഡിവൈഎസ്പി ഉൾപ്പെടെയുള്ള ഉദ്യോഗസ്ഥർക്കുമെതിരെ ഗുരുതര ആരോപണങ്ങളാണ് അഫ്സാന ഉന്നയിച്ചത്. തന്നെ കൊലക്കേസിൽ കുടുക്കാൻ പൊലീസ് ശ്രമിച്ചെന്നും അഫ്സാന പറഞ്ഞു. നൗഷാദ് തിരോധാന കേസിൽ പൊലീസിനെ തെറ്റിദ്ധരിപ്പിച്ചെന്ന കുറ്റത്തിന് റിമാൻഡിൽ ആയിരുന്ന അഫ്സാന ജാമ്യത്തിൽ ഇറങ്ങിയതിന് പിന്നാലെയാണ് പൊലീസിനെതിരെ ആരോപണവുമായി രംഗത്തെത്തിയത്. 

ഈ വാര്‍ത്ത കൂടി വായിക്കൂ 

ആലുവ കൊലപാതകം; 'ഇന്ത്യ'യില്‍ ഭിന്നത, ബെന്നി ബഹനാന്‍ അടിയന്തര പ്രമേയ നോട്ടീസ് നല്‍കി, എതിര്‍പ്പുമായി ഇടതുപക്ഷം 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ