മഞ്ചേരി: ഗവ മെഡിക്കൽ കോളജിൽ വാഹനാപകടത്തിൽ പരിക്കേറ്റ് ചികിത്സയിൽ കഴിഞ്ഞിരുന്നയാളെ തൂങ്ങി മരിച്ച നിലയിൽ കണ്ടെത്തി. കോഴിക്കോട് പൂനൂർ സ്വദേശി പത്മനാഭൻ (51) ആണ് മരിച്ചത്.

വ്യാഴാഴ്ച പുലർച്ച രണ്ടോടെയാണ് ഇയാളെ മരിച്ച നിലയിൽ കണ്ടെത്തിയത്.  ആറാം വാർഡിലാണ് ഇയാൾ കഴിഞ്ഞിരുന്നത്. ശുചിമുറിയിലേക്കുള്ള ഇടനാഴിയിൽ ട്യൂബ് ലൈറ്റുകൾ സ്ഥാപിക്കാനുള്ള ഹുക്കിലാണ് തൂങ്ങി മരിച്ചത്. 

ജനുവരി 10നാണ് വാഹനാപകടത്തിൽ പരിക്കേറ്റ ഇയാളെ ആശുപത്രിയിൽ പ്രവേശിപ്പിച്ചത്. നാല് വർഷമായി ഇയാൾ വീട്ടിൽ നിന്നും ബന്ധുക്കളിൽ നിന്നും അകന്നു കഴിയുകയായിരുന്നു.